Ютишимни билсам ҳам… ютқазгим келди! 

 

Яқинда бир мактаб муаллимаси билан мактаб ўқитувчиларининг ойлиги хусусида баҳслашиб қолдим.
Мен:
– Агар хозир бир миллион олаётган бўлсанг, сентябрдан бир миллион икки юз қирқ минг оласан. – десам, у:
– Йў-ў-ўқ, ойлигимиз бир баробар-у 24 фоизга кўпайди! – дейди!
– Масалан мен, – деди у. – Олти юз олтмиш минг сўм ойлик олардим, энди ойлигимга яна шунча ва 24 фоиз қўшилади. Шунда ойлигим салкам бир ярим миллионга бориб қолди!
– Атиги олти юз олтмиш минг оласанми? – хайрон бўлдим. – Маълумотинг ўрта маҳсусми-ё?
– Йўғей? – деди у. – Олий маълумотлиман, фақат дарсим оз: 11 соат дарсим бор…
– Ўқитганга кўра, хеч бўлмаса бир ставка дарс олмайсанми? Шундоғам тўрт кун тушгача мактабда, қолган уч кунда “полни” қайнотанг-қайнонанг хизматида бўлар эдинг? – десам, у:
– Мактабда дарс озайиб кетди, оға! – деди. – Биласиз, коллежлар ёпилди, ўқитувчилари мактабларга ўтказилди… Аввал мениям бир ставка дарсим бор эди, қолган дарсларимни “коллежчилар” билан баҳам кўрдим. Бу йил коллеж ўқитувчиларининг қолган-қутганлари ҳам келармиш, кейин неча соат дарсим қолади – худо билади… Лекин гапим гап: агар шу 11 соат дарсим билан қолсам, сентябрдан салкам бир ярим миллион ойлик оламан!
– Яхшилаб суриштир, синглим! – маслаҳат бердим. – Агар “икки баробару, 24 фоиз” бўлса, сен айтгандек бўларди!
Қараб турсам, енгилиш нияти йўқ!
– Кел яхшиси – “спор”лашамиз, қўлингни ташла! – дедим унга. – Ким енгилса, ғолибга бир “морожни” эрийди!
– Келишдик!
Бахслашишдан мақсад – ютиш, аммо шу тобда енгилишни хоҳлаб қолдим.
Чунки биз ҳам иккита бўлғуси муаллима ўқитиб ўтирибмиз, улар олий маълумотли ва биздан кўра бахтли бўлсин деб… хотиним – РОССИЯда!

Қадамбой Отабоев

Бўлишинг:

Муҳаррир танлови

Россияда поезд автобус билан тўқнашиб кетди, 19 ўзбекистонлик ҳалок бўлди

Владимир вилоятидаги темирйўл чорраҳасида йўловчи поезди автобус билан тўқнашиб кетди. Бунинг оқибатида 19 киши, жумладан, бир бола халок бўлди. Жароҳат олган камида беш киши ...

Қирғизистон собиқ муфтийси эркакларни иккинчи хотин олишга чақирди

Қирғизистоннинг собиқ муфтийи Чубак ҳожи Жалилов ўзининг каналида иккинчи хотин олганини билдириб, эркакларни ҳам шунга ундади. «Кылым шамы» ҳуқуқни ҳимоя қилиш ташкилоти ...

Ўзбекистонда ишсизлик нафақаси оширилади

Ўзбекистонда ишсизлик нафақаси меҳнатга ҳақ тўлашнинг энг кам миқдорига тенглаштирилган ҳолда оширилади. Бу ҳақда бандлик ва меҳнат муносабатлари вазири Шерзод Кудбиев маълум ...