Ўзбекистонда нон нархи икки бароварга ошди

Ўзбекистонда 15-сентябрдан бошлаб қолипли (“буханка”) нон эркин бозор нархи бўйича (ҳозирда нарх давлат томонидан тартибга солинган) сотила бошланди. Шу тариқа буханка (қолипли) ноннинг нархи қарийб икки баробар ошиб, 650 сўмдан 1200 сўмга кўтарилди. Ҳукумат аҳолининг ижтимоий ҳимояга муҳтож қатламларига 2018 йил 1 октябрдан бошлаб ун ва қолипли нон олиш бўйича қўшимча харажатларни қоплаш учун энг кам ойлик иш ҳақининг 10 фоизи (18 400 сўм) миқдорда компенсация тўлови тўлаб беришни режалаштирмоқда. Бироқ компенсация тўлови қай тариқа тўланиши ҳақида ҳеч ким ҳеч нарса билмайди. 

Фото: «Газета.uz»

Ҳукумат нон нархининг қарийб икки баравар ошиб кетишини шу кунгача давлат томонидан тартибга солинган нон нархи эркин бозор нархи бўйича сотилишига изн берилганлиги билан изоҳламоқда. Фермерларга эса ҳамон эркинлик йўқ. Ҳукуматимизнинг фермерларнинг пешона терини тўкиб етиштирган пахтасига ва уни терувчиларига нарх белгилашга қурби етади-ю аммо нон нархини бирданига қарийб икки баравар оширмасликка қурби етмайди. Бу қандай ҳукумат ўзи, мутлақо тушунарсиз.
Бугун буханка ноннинг ошишига боғлиқ ҳолда оби нонлар нархи ҳам сезиларли даражада кўтарилди. Новвойлар шу кунгача 1 дона оддий оби нонни 1000 сўмдан сотиб келган бўлса эндиликда 1 дона оби нонни 1250 сўмдан 1500 сўмгача бўлган нархда сота бошлади. Бу омил асосий егулиги нон бўлган кўпчилик юртдошларимиз учун жуда қийин бўлди. Ҳукуматнинг эса бу ҳолатдан деярли парвои фалак…
Каримов янги президент бўлган чоғида Қуръони Каримга қўл қўйиб нон нархини оширмайман деб ваъда берганини халқ яхши эсласа керак. Бироқ бояқиш ваъдасига атиги 1 йил ҳам содиқ бўла олмади. Янги Президент эса нон нархини оширмасликка ваъда бермаган. Демак, нонларимиз ярим бараварга эмас бирдагига 3 бараварга ошса ҳам ҳеч кимга арз қилолмаймиз. Аниқроғи, арзимизни эшитгувчининг ўзи йўқ.

Муаллиф:Рўзибой Азимий

Бўлишинг:

Муҳаррир танлови

Назарбоев бойлар ва камбағалларнинг ораси  кучли узоқлашиб кетгани сабабини айтди

Астанада бӯлиб ӯтган иқтисодий форумда давлат раҳбари Нурсултон Назарбоев бойлар ва камбағаллар ӯртасидаги тафовутга барҳам бериш зарурлигини айтди.  Бу ҳақида NUR.KZ мухбири ...

Ozodmikrofon: “биз, камбағаллар уйига президентни нега олиб келишмайди?

Садриддин Ашур/Озодлик Андижонлик Зумрадхон Исмоилхўжаеванинг айтишича, унинг уйи ёниб кетганига 5 йил бўлди. Андижон шаҳрар, Биринчи тор Пиллакаш кўчасининг 26- уйида ...

Қирғизистонлик депутат ўзбекистон фуқаролари учун патент киритишни таклиф қилди

Қирғизистон Жогорку Кенеши депутати Кенжебек Бокоев мамлакатда ишлаётган ўзбекистонлик меҳнт мигрантлари учун патент тизими киритишни таклиф қилди, дея ёзмоқда Спутник нашри. ...