Бошқа мавзуларНефть ишлаб чиқарувчи ва экспорт қилувчи давлатлар ташкилоти – ОПЕК ва ташкилотга аъзо бўлмаган бошқа йирик нефть ишлаб чиқарувчилар АҚШ президенти Дональд Трампнинг нархни тушириш тўғрисидаги чақириғига қарамай, нефть қазиб олишни кўпайтирмаслик тўғрисида келишиб олди, дея ёзмоқда Озодлик.
Бундай қарор 23 сентябрда Жазоирда ўтган ОПЕКка аъзо давлатлар ва бу ташкилотга аъзо бўлмаган Россия иштирокида ўтган йиғилишда қабул қилинди.
ОПЕК бугунги кунда нефт бозорида юзага келган талаб ва таклиф ўртасидаги балансни «соғлом», деб баҳолади.
Сўнгги ойларда АҚШ санкциялари оқибатида ОПЕКка аъзо бўлган Эрондан нефть экспорт қилиш қисқарагани ортидан нарх ҳам кўтарилди.
АҚШ президенти Трамп ОПЕКни нефть ишлаб чиқаришни кўпайтириш орқали нархни туширишга чақириб келмоқда.
