Бошқа мавзуларМарказий банк матбуот хизмати Ўзбекистонда 100 минг сўм номиналидаги купюра чиқариш бўйича қарор қабул қилинмагани, бу ҳозирча фақат баҳслар мавзуси эканлигини билдирди. Бу ҳақда «Podrobno.uz»га асосланиб Дарё.Уз хабар бермоқда.
«Агар иқтисодиётга шу купюра керак бўлса, у чиқарилади. Ҳозирча эса бунга эҳтиёж йўқ, бу гаплар миш-миш, холос», дея маълум қилган МБ мутасаддилари.
Ўзбекистонда 100 минг сўмлик купюра чиқарилиши ҳақидаги овозалар ўтган йили пайдо бўлган, бироқ ўз тасдиғини топмаганди. Мамлакатда 2017 йил 22 август куни чиқарилган 50 минг сўм номиналидаги купюра ҳозирча энг катта пул бирлиги бўлиб турибди.
