Бошқа мавзуларХалқ Маслаҳати йиғилишида Туркманистон президенти Гурбангули Бердимуҳаммедов мамлакатда бепул газ, электроэнергия, ичимлик суви ҳамда коммунал хизматларини бекор қилиш ҳақидаги фармонга имзо чекди. Ушбу фармон 2019 йилдан кучга киради. Бу ҳақда “Туркманистон бугун” ахборот агентлиги хабар берди.
“Ҳозирги кунда аҳоли даромади сезиларли даражада ўсди. Меҳнат қилиб пул топиш учун ҳар бир оилада кенг имкониятлар яратилган. Айни шу сабабдан давлат бепул тақдим этган табиий ресурслардан оқилона фойдаланиш вақти келди, – дейди президент. – 2019 йилдан коммунал хизматлар имтиёзли нархларда тақдим этилади”.
Туркманистонда газ, ичимлик суви ва электр энергияси 1993 йил мамлакатнинг биринчи президенти Сапармурат Ниязов давридан бери аҳолига бепул тақдим этилмоқда.
