Бошқа мавзуларЧикагода 27 ёшли Хитой фуқароси Пекин номидан жосуслик қилганликда айбланиб ҳибсга олинди. Айни шу ҳафта АҚШ Марказий разведка бошқармаси директори Жина Хаспел чет элдаги Хитой таъсирининг кучайишига қарши огоҳлантирди.
Жи Чаоқун, “ноқонуний разведка” вазифасини бажараётганликда айбланмоқда, дея хабар беради АҚШ Адлия вазирлиги.
Жи Чаоқун Чикаго шаҳридаги Иллинойс технология институти электротехника факультетининг талабаси бўлган, шунингдек, у АҚШ армиясининг “миллий манфаатлар учун муҳим” деб ҳисобланадиган хорижий фуқаролар рўйхатида турган.
Агар Жи ноқонуний чет эл агенти сифатида ҳаракат қилишда айбдор деб топилса, у 10 йилгача қамоқ жазосига ҳукм қилиниши мумкин.
