Аччиқ қалампирнинг касофати.

Фуқароларнинг давлат пенсия таъминоти тўғрисидаги қонунига асосан иш стажига эга бўлмаган фуқаролар ва уларнинг оилалари давлат пенсиялари олиш ҳуқуқига эга эмаслар. 

Иллюстратив фото

Интернетдаги бу хабарни ўқиб, ўйланиб қолдим.

Ҳа, худо хоҳласа яна йигирма йилдан кейин қишлоғимиздаги 95 фоиз аҳоли пенсия олмайди…

 

Хозир қишлоғимиздаги кўпчилик эркаклар чет элларда ишлаяпти, аёллари ёнида ёки уйда, бола тарбияси билан овора. Қишлоқдаги мактабда 15-20 одам иш билан банд.

 

Қишлоғимизда ўтган йилгача 5 фермер бор эди, уларнинг ҳар бирининг қўлида 2-3 нафар қишлоқдошим ишларди.

 

Фермерлар бу ёшларни шу шарт билан ишга олганди:

– Сени ишга оламан, стаж ҳам юритаман, аммо пул беролмайман. Сенга ер бераман, ўзинг у-бу экиб – фойдалан!

 

Қишлоқдошларим бунга ҳам мингдан минг рози эдилар, чунки қишлоқда бошқа иш йўқ. Буғдой ўрнидан бир гектар ер олса, яримига молга ўт экиш мумкин, яримига шоли!

 

Бу йилдан фермерчилик тугатилиб, кластерлар ташкил этилди ва 10 аёл ишга олинди.

 

Ва шундай шарт қўйилди:

 

– Ишчи аёллар 25-40 ёш ўртасида бўлсин, ҳомиладор бўлмасин. Ойлиги 400 минг сўм атрофида, иш вақти хафтада етти кун – кун чиққандан кўз кўрмай қолгунча!

Аввалига бу гапдан кўпчилик хайрон бўлди:

– Нега ҳомиладор аёлларни ишга олмайсиз? Ахир, “декерет пули”ни хукумат тўлайди-ку?

Маълум бўлишича, бу йилдан бошлаб экила бошлаган аччиқ қалампир орасидан бир бор ўтгани ҳамоноқ ҳомиладор аёллар “бола туширар” экан!

 

Муаллиф:Қадамбой Отабоев

 

Бўлишинг:

Муҳаррир танлови

Тожикистонда россия рубли яна қадрсизлана бошлади

Тожикистонда Россия рубли кўтарилганидан тахминан уч ҳафта ўтиб яна қадрсизлана бошлади. «Озоди» радиоси эса вазиятга ойдинлик киритиш мақсадида Миллий банкка мурожаат ...

Тил ривожи замирида сиёсий тараққиёт туради

Камолиддин РАББИМОВ Ҳар қандай тилнинг тараққиёти ёки инқирози замирида – ушбу тилда гаплашаётган давлатнинг, жамиятнинг ҳаётий муҳити кенгаяётгани, ёки тораяётгани туради. ...

“мухолифатчилар кимлар?”га жавоб” мақоласини ўқиб

"Mulkdor.com" сайтида эълон қилинган “Мухолифатчилар кимлар?"га жавоб" деб номланган мақолани ўқиб рости қаттиқ таъсирландим. Мақола журналист Санжар Саиднинг ...