Ниғматилла Йўлдошев: “Биз ҳалигача иш юритишнинг эски услубларидан воз кечмадик”

27 сентябрь куни бошланган Ўзбекистон Республикаси Олий Мажлиси Сенатининг XVI ялпи мажлисида Сенат раиси Ниғматилла Йўлдошев парламент юқори палатаси аъзоларини ташаббус кўрсатмаганлиги учун танқид қилди, дея ёзмоқда Кун.Уз нашри.

«Фаолиятдаги камчиликлар салбий оқибатларга олиб келаётганини афсус билан тан олишимизга тўғри келади. Биз айрим сенаторларнинг ҳудудлардаги ижтимоий-иқтисодий масалаларни ҳал этиш борасидаги ташаббускорлигини сезмаяпмиз. Жорий йилда аксарият қўмиталар аъзолари муҳим масалаларни муҳокамага киритиш бўйича бирорта таклиф билан чиқмаганини қандай изоҳлаш мумкин?», – деди Йўлдошев.

Унинг сўзларига кўра, сенаторлар сенаторлик сўровидан самарали фойдаланишмаяпти. Йўлдошев ҳудудларда бир-икки сенаторгина фаоллик кўрсатаётганини етарли деб ҳисобламаслигини билдирди.

«Биргина Хоразм вилоятининг учта туманида 11 мингта, Бухоро вилоятининг битта туманида 9 мингдан ортиқ муаммо аниқланган. Бу муаммоларнинг ечими бўйича депутат ёки сенатор ташаббус кўрсатмаса, оддий одамлар нима ҳам қилиши мумкин?», – деди Сенат раиси.

Йўлдошев юқори палата аъзолари кўпинча ялпи мажлисларда масъул раҳбарларнинг ҳисоботларини эшитиш билангина чекланиб қолаётгани, қўмиталар эса қарорларнинг бажарилиши устидан назорат ўрнатмаганини танқид қилди.

«Биз ҳалигача иш юритишнинг эски услубларидан воз кечмадик <…> Оқибатда одамлар бир масала юзасидан қайта-қайта мурожаат қилишга мажбур бўлмоқда», –  таъкидлади у.

 

Бўлишинг:

Муҳаррир танлови

Ўзбекистонликлар энди россияда таксичилик қила олмайди

Россия давлат Думасида иккинчи марта ўқилишда қабул қилинган қонунга кўра, бундан буён Россияда чет эл капиталига ёки чет эл капитали билан шерикликда аҳолига такси ...

Президент мирзиёев фан сўнгги 25 йилда эътиборсиз қолганини тан олди

“Ҳеч қандай ривожланиш йўқ. Илм-фан учун шароитлар 1990-йилларда юз марта яхшироқ эди”, - деб таърифлади мамлакатдаги илм-фан аҳволини президент Мирзиёев ўтган жума куни ...

Депутат кабул дусов шавкат мирзиёевдан уйғурларни ҳимоя қилишни илтимос қилди

Халқ депутатлари Бўстонлиқ туман Кенгаши депутати, «Миллий тикланиш» партиясидан бўлган Кабул Дусов 16 июль куни Ўзбекистон Президентига Хитойдаги уйғурларни ҳимоя қилишни ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400