Чемпион болаларинг қаерда, қандай яшаётганидан хабардормисан Ёшлар иттифоқи?..

Беш маротаба турли халқаро танловлар ғолиби бўлган чемпион бола, бугун олис бир қишлоқ кулбасида аранг кун кўрмоқда.

 

Фото:ЎзА

Иқтидорли болалар юртимизнинг келажагидир. Уларга сарфланган харажат эртага, албатта, ўз мевасини беради. Сир эмаски, баъзида юксак иқтидорли болалар оилавий шароитлари туфайли ўзларини намоён эта олмай, иқтидорларини ривожлантира олмасдан чекка қишлоқларда қолиб кетмоқда.

Фото:ЎзА

Бухоро вилоятининг Қоракўл туманидаги 52-мактабнинг 9-синфида бир неча бор математика бўйича халқаро чемпионатлар ғолиби Дониёр Исмоилов таҳсил олади. У икки бора олтин ва уч маротаба кумуш медаль соҳиби бўлган.

Фото:ЎзА

Аммо шундай иқтидор эгаси бугун оилавий қийинчилик туфайли вақтини тўлиқ илм олишга сарфлай олмаяпти. У бўш вақтларида ва ёзги таътилда нон цехларида ишлаб оиласига ёрдам қилади.

 

Дониёр Қоракўл туманининг “Қораун” қишлоғида яшайди. У яшаётган кулбани уй дейишга ҳам тил бормайди. Оила моддий ёрдамга муҳтож. Дониёрнинг онаси бир неча йиллардан бери жигар церрозидан азият чекади, тиббий муолажа ва дори-дармон маблағи йўқ, отасининг эса тайинли иш жойи. Шунга қарамасдан Дониёрни халқаро олимпиадаларда иштирок этишга тавсия этишса, унинг ота-онаси қариндош-уруғларидан қарз кўтаради. Баъзида ишлашга мажбур бўлган Дониёр олимпиадаларда иштирок эта олмайди.

 

“Шундай танг аҳволда қолган оила билан шу вақтгача “Уйма-уй юриб муаммо ўрганяпмиз”, дейдиган депутатлар, бошқа мутасаддилар ва Ёшлар иттифоқининг Бухоро вилояти кенгаши қизиққанмикан?“ деган савол ҳаёлингдан ўтиши табиий.

Фото:ЎзА

Дониёр Исмоиловни сайтга олиб чиқишдан мақсадимиз биргина – унинг мисолида юртимиздаги бошқа вилоятларнинг ҳам чекка қишлоқларида моддий камчилик туфайли ўз иқтидорини намоён қила олмаётган болаларга Ёшлар иттифоқининг диққатини қаратиш. Зеро, иттифоқнинг асл мақсади ҳам шундай ёшларга кўмаклашиш бўлиши керак. Бундай ёшларни излаб, уларни ижтимоий ҳимояга олиш тадбир ўтказишдан кўра, кўпроқ фойдали ва келажакда ўз мевасини бериши аниқ.

Манба: ЎзА

Бўлишинг:

Муҳаррир танлови

Дипломли ходим керакми ёки илмли мутахассис…

2018 йилги маълумотларга қараганда, Билл Гейтснинг маблағи 90,5 млрд доллардан ортиқ экан. Шунга қарамасдан у маблағини фарзандларига мерос қолдирмасдан ҳаммасини ўзининг ...

Ўзбекистонда ҳайдовчилик гувоҳномасини янгисига алмаштирилиши керак бўлади

Телеграмдаги "Ҳуқуқий ахборот" канали ҳайдовчилик гувоҳномасини янгисига алмаштириш ҳақида кўп сўраладиган саволларга жавоб берди: Ҳайдовчилик гувоҳномасини янгисига ...

Жарималар мамлакати

Автомобилни халқ орасида ҳазил тариқасида «иккинчи хотин» ҳам дейишади. Оиласини моддий таъминлаш эр кишининг бурчи. Қўшимчасига машина олса, унинг гарданидаги «олахўржин» ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400