Бекатдаги гурунглар

Ён-атрофдаги воқеа-ходисаларга муносабатимизда баъзи саволларга жавоб. Ёз ойларининг сўнгги кунларида вилоятимиз маркази Урганчга бордим. Мақсадим, у ердан туманлардан бирига автобусда жўнаб кетиш. Марказ  Шох бекатида керакли автобусни кутиб ўтирар эканман, диққатимни   ён-атрофда сочилиб ётган ташландиқлар тортди. Конфет қоғозлари, яна қандайдир майда-чуйдалар орасида энг кўзга ташланадигани– семечка чиқиндилари.

@Getty Images

Атрофга қарайман: яқин ерда  чиқинди ташлаш қутилари кўринмайди. Хаёлимдан, туристлар бу ерларга келишмайди-да, деган фикр ўтди.  Ахир биз  Урганчнинг аэропортидан тортиб, то  марказий кўчалари-ю,  қадимий Хивагача озода- саришта қилиб қўйишга ўрганганмиз-ку!

Яна ўйлайман: агар шу ерда бирон-бир супурги қўйиб қўйишса, тозалаб қўядиган одам топилиб қоларди.

Шу пайт ёнимга келиб ўтирган 45 ёшлар атрофидаги инсон керакли автобусининг қачон келишини сўраб қолди. Маълум бўлишича, ярим соатлар  кутишга туғри келар экан.

— Соат энди 15 бўлибди, бемалол улгураман,- деди у хотиржамлик билан.

Гаплашиб қолдик. Урганч идораларидан бирида ишлар экан.

Хаёт ташвишлари борасида фикрлашар эканмиз, пайти келиб, сўрадим:

— Урганч ҳам дунёдаги нуфузли шаҳарлардан бири. Хивани эса дунё билади.  Шундай юртда  Шох бекатда сочилиб ётган чиқиндиларни кўриб, одам уялади-да. Тўҳримасми?

— Тўғри, тўғри,–  деди суҳбатдошим  гапимни маъкуллаб.

–Энди  тасаввур қилинг-чи, агар шу ерда супурги қўйишган бўлса, ўтаетган нечанчи одам, ҳеч бўлмаганда, бир кигиз ўрнини супуриб кетарди?

— Ҳеч бири ҳам, ҳеч бири хам супурмайди,- такрорлади суҳбатдошим.

Камина сабабини сўрамоқчи эди, суҳбатдошим кутиб ўтирмай деди:

— Фуқароларимизда ички норозилик кучайган. Ҳар ким кимнидир бировни турмуш қийинчиликларида айблайди. Бу ердан ҳар куни неча юзлаб йўловчилар керакли манзилларига жўнашади. Қанчалари озми-кўпми, автобусини кутиб ўтиради. Мана, ёзда иссиқдан, куз-қишда ёмғирдан сақлайдиган пана бор. Наҳотки шу одамларнинг ҳаммаси ҳам ёмон одамлар, деб ўйласангиз? Лекин нега  яхши одамлар бўлса, шунчалар бефарқ?

Мен мавзуни давом эттириш истагим бўлмай, бироз сукут сақладим. Шу орада автобусларимиз келиб, ҳар ким ўз йўлига кетди.

 

Солих Хоразмий.  Урганч.

Бўлишинг:

Муҳаррир танлови

Собянин: москвада 200 мингга яқин одам ишсиз қолиши мумкин

Россия пойтахти Москвада хорижий компаниялар фаолиятини тўхтатгани туфайли 200 000 га яқин одам ишини йўқотиш хавфи остида қолган . Бу ҳақда 18-апрель куни Москва мэри Сергей ...

Ўзбекистонда ҳомиладорликни сунъий равишда тўхтатишга рухсат берилди

Шавкат Мирзиёев «Фуқароларнинг репродуктив саломатлигини сақлаш тўғрисида»ги Қонунни имзолади, деб ёзади «7news.uz» сайти. Иллюстратив фото:cabresto.blogspot.com Қонунда ...

Пензада 21 яшар ўзбекистонлик уйнинг 4-қаватидан қулаб ҳалок бўлди

Пензада қурилиш ишлари давомида 4-қаватдан қулаган 21 яшар Ўзбекистон фуқаросининг ўлими ҳолати юзасидан терговга қадар текширув олиб борилмоқда. Бу ҳақда «Дарё» нашри Россия ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400