Хоразм вилоят Урганч шаҳри ҳокимлиги ”Савдо харид” корхонаси билан ҳамкорликда Урганч деҳқон бозорида мол гўштини 30 минг сўмдан сотилишини йўлга қўйди. Бу ҳақда “Турон24” нашри вилоят “Савдо харид” корхонаси раҳбари Абдурасул Ёқубов маълумотига асосланиб хабар берди.
Абдурасул Ёқубовнинг айтишича, охирги вақтларда вилоятнинг барча шаҳар ва қишлоқларида гўшт нархининг сунъий оширилиши кузатилган. Гўшт нархини пасайтириш учун чорвачилик билан шуғулланувчи фермер хўжаликлар ва аҳолидан моллар сотиб олиниб, пешма-пеш гўшт расталарига чиқарилмоқда.
Эслатиб ўтамиз, гўшт нархи Урганч шаҳрида шу пайтгача 40-45 минг сўмдан сотилиб келинаётган эди.