Визасиз ташрифлар рейтинги эълон қилинди

Буюк Британиянинг “Henley & Partners” халқаро консалтинг компанияси паспортлар индексининг янгиланган версиясига оид ҳисоботни чоп этди. Унда 2018 йил чорак ҳисобида дунё давлатларида визасиз ташриф тизимидаги ўзгаришлар натижалари акс этган. Бу ҳақда ЎзА нашри  CA-NEWS сайтига асосланиб хабар берди.

Фото:mandegar.info

Ҳисоботда келтирилишича, Марказий Осиё давлатларидан Қозоғистон фуқаролари 76 давлатга, Қирғизистон 63, Тожикистон 58, Туркманистон 53 мамлакатга виза расмийлаштирмаган ҳолда сафар қилиш имконига эга. Ўзбекистон фуқаролари 59 давлатга визасиз чиқиши мумкин.

 

Компания эълон қилган рейтингда Қирғизистон Африкадаги Гана давлати билан бирга 78-ўринни, Қозоғистон Намибия давлати билан 69-поғонани, Тожикистон Мавритания, Мозамбик, Сан-Томе ва Принсипи давлатлари билан биргаликда 83-, Ўзбекистон 82-, Туркманистон эса Чад, Гвинея-Бисау, Мадагаскар давлатлари билан бирга 88-ўринни эгаллаган.

 

Рейтингда Япония паспорти энг “мобил” паспорт деб эътироф этилган. Япония фуқаролари визасиз дунёнинг 190 давлатига бориш имконига эга. Ушбу кўрсаткич рекорд даража сифатида қайд этилган.

 

Уч йил аввал ушбу поғонани Япония билан бирга Сингапур ҳам эгаллаган эди. Лекин Мьянмада Япония фуқаролари учун визасиз ташриф жорий этилиши натижасида Сингапур рейтингда иккинчи ўринга тушган.

 

Рейтингда учинчи поғонани Германия, Шимолий Корея, Франция, тўртинчи ўринни Дания, Италия, Испания, Финляндия, Швеция банд этган.

 

Бўлишинг:

Муҳаррир танлови

«гранд» радиоси гулнора каримованинг эри рустам мадумаровга тегишли эканлигини рад этмоқда

«Гранд» радиостанцияси Гулнора Каримованинг эри Рустам Мадумаровга тегишли эканлиги ҳақидаги маълумотларни рад этди, деб ёзади “Дарё” нашри. «20 йиллик фаолиятимиздан сўнг ...

Кун фотоси: пахтага чиқмагани учун бозордаги дўкон муҳрланди

«Фейсбук» ижтимоий тармоғида муҳокамаларни келтириб чиқарган сурат тарқалди. Унда Наманган шаҳридаги «Сардоба бозори» МЧЖ ҳудудида сотувчилари пахта йиғим-теримида иштирок ...

Мактабларда мажбурий форма 2024-2025 ўқув йилигача кечиктирилди

Ўзбекистон Республикаси Вазирлар Маҳкамасининг “Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида” ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400