Ғофур Раҳимов Гулнора Каримова билан зиддият сабаби ва нега Ўзбекистонни тарк этганини айтди

Халқаро бокс ассоциацияси (AIBA) президенти вазифасини бажарувчи Ғофур Раҳимов Around The Rings нашрига интервью берди.

Фото:AIBA

ATR’га берган эксклюзив интервьюсида Ғофур Раҳимов уюшган жиноятчилик билан алоқадор экани ҳақидаги гап-сўзларни рад этган.

Умуман олганда, Раҳимов Халқаро бокс ассоциацияси (AIBA)нинг хулосаларига қўшилмаган. Халқаро олимпия қўмитаси (ХОҚ) эса унинг иштирок этишини исташмаётгани ҳақида аниқ билдирди.

«Келаси ой AIBA аъзолари қурултойимизда муҳим танловни амалга оширишмоқчи ҳамда улар асосланган қарорни қабул қилишлари учун барча ҳақиқатни билишлари лозим. Ҳақиқат шундан иборатки, мен ҳеч қачон трансмиллий жиноий ташкилотларда иштирок этмаганман», – дея таъкидлаб ўтди у.

Эслатиб ўтамиз, жорий йилда Халқаро олимпия қўмитаси Ғофур Раҳимовга 2018 йилги Ўсмирлар олимпия ўйинларига ташриф буюришни тақиқлаб қўйди.

«Мени АҚШ Молия вазирлиги санкциялар рўйхатига киритиш бўйича қарор Ўзбекистон собиқ расмийларининг диктатура режими томонидан босими ва репрессиялари оқибатида келиб чиқди. Гулнора Каримова ва унинг атрофидагилар менинг компанияларим уларнинг лойиҳаларини молиялаштириши ҳақида сўрашган, аммо мен рад этганман. Шунда улар менга босим ўтказа бошлашди, бизнесимни йўқ қилиш мақсадида АҚШ Ғазначилиги департаментига жиноий гуруҳлар билан алоқалар борасида ёлғон маълумот тақдим этишди. Ўша вақтларда Гулнора Каримова мамлакатда катта таъсирга эга эди, шунинг учун 2010 йилда оилам билан ватанимни ўз хавфсизлигим нуқтаи назаридан тарк этишга мажбур бўлдим», – деди у.

Ғофур Раҳимовнинг таъкидлашича, ўз номи АҚШ Молия вазирлиги «қора рўйхати»дан чиқариб ташланишига эришишга ҳаракат қилади.

«Бу жуда мураккаб жараён, аммо менинг адвокатларим катта муваффақиятларга эришди ва «хато» келгуси уч-олти ой давомида тузатилади», – дея таъкидлаб ўтди у.

Дарвоқе, Ўзбекистон ҳукумати бу жараёнда муҳим ўрин тутади. Жорий йилнинг 18 сентябрь куни республика бош вазири ўринбосари Очилбой Раматов томонидан имзоланган мактуб AIBA ижроия қўмитаси ва унинг одоб-ахлоқ бўйича қўмитасига юборилди.

«Агар етакчи олимпия халқаро федерацияларидан бири бўлган AIBA’га Ўзбекистон фуқароси раҳбарлик қилса, бу мамлакатимиз учун шараф бўлади. Агар ноябрда бокс ассоциациясининг конгрессида у президент этиб сайланса, унда Ўзбекистон ҳукумати Ғофур Раҳимовни ҳар томонлама қўллаб-қувватлайди. Шу билан бирга, Ғафур Раҳимовнинг ўтмишдаги жиноий фаолиятига оид барча иддаолар асоссиз далилларга эга ва адолатсиз ҳисобланади», – дейилади Ўзбекистон ҳукуматининг мактубида.

Айни пайтда Ғофур Раҳимов вазиятни тўғирлаш учун бир қатор қадамлар қўйди. У AIBA қарзларини йўқотди ва ҳакамлик сифатини оширишга қаратилган қатор чора-тадбирларни амалга оширди. У агар президент этиб сайланадиган бўлса, AIBA’да кенг кўламли ислоҳотлар ўтказишни ваъда қилди.

Эслатиб ўтамиз, январь ойида Ғофур Раҳимов AIBA президенти вазифасини бажарувчи этиб тайинланди. Ўтган йилнинг 20 ноябрида Чинг-Куо Ву ташкилот президенти лавозимини тарк этди, бу ижроия қўмитанинг 13 нафар аъзоси унга ишончсизлик билдирганидан сўнг юз берди.

1998 йилдан буён Раҳимов AIBA ижроия қўмитасининг аъзоси саналади, 2002 йилдан – ушбу ташкилот вице-президенти, 2006 йилдан – ижрочи вице-президенти бўлиб ишлаган. 2001 йилдан 2012 йилгача Раҳимов Ўзбекистон Миллий олимпия қўмитасининг вице-президенти лавозимини эгаллаган. 2010 йилда AIBA аъзоларининг овоз бериш йўли билан Осиё бокс конфедерацияси президенти этиб сайланди, ҳозирда Рахимов Осиё бокс конфедерациясининг фахрий президенти лавозимида.

Эслатиб ўтамиз, аввалроқ Халқаро олимпия қўмитаси президенти Томас Бах гап фақат Ғофур Раҳимовда эмаслиги ҳақида баёнот берганди.

Манба:Кун.Уз

 

Бўлишинг:

Муҳаррир танлови

Нега таълим муаммолари мактабгача бошланади?

Фото: ЎзА Қўлимда Тошкент аҳолиси ҳақидаги 2013 йил январига оид аниқ демографик маълумотлар мавжуд. Ўйлайманки, ундан кейин ўтган салкам беш йиллик давр ичида жиддий ...

Ўзбекистон телефон абонентларининг рақамлари 9 рақамли тизимга ўтишади

Фото:saxion.nl Жорий йилнинг 10 сентябрдан 30 сентябргача Тошкент шаҳар телефон тармоғида  9 рақамли рақамлаш тизимига ўтиш бўйича ишлар амалга оширилади. Бу ҳақда компания ...

Зарурат ва бурч, ёҳуд дилсора фозилова билан суҳбат

Ҳурматли Дилсора!  Сизнинг  «Мулкдор» саҳифасида яқинда кўчириб босилган «Мухолифат. Бугунги Ўзбекистон ва Баҳодир Чориев» номли  мақолангизни ўқиб, ўз фикрларимни билдиришни ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400