19 октябрь куни Навоий шаҳридаги 1 ва 2- гуруҳ ногиронлари истиқомат қилаётган хонадонда кучли ёнғин чиқиб, қўшни хонадонларга ҳам ўтди. Бу ҳақда “Халқ сўзи “ нашри хабар бермоқда.
Ёнғин шаҳардаги Бунёдкор МФЙ Бунёдкорлар кўчасидаги 1958 йилда барак типида қурилган 8-уй 4а хонадонда эрталаб соат 08:10 содир бўлди. Ушбу хонадонда 1958 йилда туғилган 2-гуруҳ ногирони А. Ҳусанов истиқомат қилади.
Ёнғин ҳақидаги хабардан сўнг соат 08:15да воқеа жойига Навоий шаҳар ЁХБ 2-ХЁХК смена бошлиғи лейтенант М.Ғуломов, қисм бўлинма командири Ф.Эргашев, ҳайдовчи сафдор А.Аслонов ҳамда ёнғин ўчирувчи Ж.Ҳамроев, шунингдек шаҳар ЁХБ 2-ХЁХҚисмидан 2та ва 1-ХЁХқисмидан 2та ёнғин ўчириш экипажлари жалб этилиб, соат 08:30 у тўлиқ бартараф этилди.
Шунга қарамасдан ёнғин оқибатида 5а-уйнинг 20м2, 6а-уйнинг 18м2 ҳамда ёнғин чиққан 4а-уйнинг 30м2том қисмлари зарарланди.
Ёнғин пайтида хонадонда бўлган 1-гуруҳ ногиронлари Н. Раҳматова ва С. Ҳусанов ҳамда2- гуруҳ ногирони А. Ҳусановлар қутқарилди. Ёнғин оқибатида тан жароҳати олганлар йўқ. Ёнғин сабаблари ўрганилмоқда.