Президент порталидан келган жавоб хати

Сентябрь ойининг бошларида Президент порталига хат ёзувдим.
Жаноб Президент! Бу йил ногирон (лиги бўлган шахс)ларни давлат гранти асосида ўқишга олиш ҳақида қарор қабул қилинди ва бу қарор сабаб, мингга яқин ногирон олий таълим даргоҳларига ўқишга киришга муваффақ бўлишди. Шу билан бирга, ажратилган 500 дан зиёд ўринларга ўқишни хоҳловчи топилмай қолибди.


Сиздан илтимос, бу қарорга сал ўзгариш киритсангиз: биринчи гуруҳ ногиронларнинг фарзандлари ҳам давлат гранти билан инситут-у унверситетларига қабул қилинса. Сабаби, менинг икки қизим контракт асосида ўқишади, ўзим эса…
Ўтган йили биринчи қизим контракт асосида олийгоҳга кирган эди. Худога шукур, бу йил иккинчи қизим ҳам шартнома асосида ўқишга қабул қилинди. Хозирчалик бир амаллаб шартноманинг бир миллион сўмини тўладик ва шуни айтишим керакки, оиламиз ўқув контракти тўлайман деб ҳақиқий маънода – “қуриб қолди”!
Қизларим бўлғуси муаллимадирлар ва улар ўқишни битиргач мактабда ишлашади. Ваъда бераманки, қизларим бу ёрдамингизни ёш авлодга сидқидилдан таълим бериб қайтарадилар…
Шу хатни порталга юборгач, орадан уч кун ўтиб, хатим “Олий ва Ўрта таълим вазирлигига ўтгани”ни ҳамда мухокамада экани”ни билдим. Бу мухокама деярли бир ойга чўзилди ва ўтган хафта охирида портални очиб, “муаммо ҳал қилинди” деган ёзувни ўқидим.
Жавоб хатини ўқиб эса, хеч нарсага тушинмадим, очиғи.
Қорақалпоғистон Республикаси, Элликқалъа тумани, Элликқалъа ОФЙ,
Иқбол мавзесида истиқомат қилувчи Атабаев Қга
Сизнинг Ўзбекистон Республикаси Президенти Веб-сайти орқали келиб тушган мурожаатингиздаги таклиф учун миннатдорлик билдирамиз.
Сизга берилган жавоб хатидан норози бўлсангиз, биздан-да юқори ташкилотларга мурожаат қилиш ҳуқуқига эга эканингизни маълум қиламиз.
Вазирнинг биринчи ўринбосари О.Абдурахмонов (имзо)
Азиз юртдошлар! Сиз бирор нарса тушиндингизми?

Муаллиф:Qadamboy Otaboyev 

Бўлишинг:

Муҳаррир танлови

  озодлик  онларининг  гаштли  давраси

Бугун Интернет саҳифаларини “варақлар” эканмиз,  узоқ йиллик тутқунлик ва маҳбусликдан сўнг муддатидан олдин  озодликка чиқарилаётган Ватандошларимиз ҳақидаги  хушхабарларга, ...

Шерзод шерматов: «халқ таълими ходимларига тазйиқ кузатилса, улар билан бош прокуратура шуғулланади»

Халқ таълими вазири Шерзод Шерматов вазирликнинг «Facebook»даги саҳифасида 17 июль куни Президентимиз Шавкат Мирзиёев томонидан ўтказилган йиғилиш борасида ўз фикрларини ...

Ўзбек тилини билмаган амалдор ёхуд муаммонинг илдизи қаерда?

1989 йилнинг 21 октябр​ь. Яна оз муддатдан сўнг,  «Давлат тили тўғрисида»ги қонуннинг қабул қилин​ганига нақ 30 йил тўлади. Қонун маданий мерос, ўзлигимизни англаш, миллий ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400