Бошқа мавзуларЯқинда Бухоро шаҳар ҳокими Туркиянинг Анталья шаҳри мезбонлигидаги “Silk Road. Mayors Forum” (Ипак йўли ҳокимлари йиғилиши форуми)да иштирок этди.
Билдирилишича, ушбу Форумда Буюк ипак йўлида жойлашган шаҳарлар мэрлари иштирок этади.
“Silk Road. Mayors Forum”да Бухоро шаҳар ҳокими Карим Камолов бундай форумларни Ўзбекистонда ҳам ўтказилиши таклифини илгари сурди.
“Қадим Бухоро шаҳрининг майдонида 700 дан ортиқ тарихий обидалар бор. Уларнинг аксарияти UNESCO рўйхатига киритилган. Самарқанд, Хоразм шаҳарлари ҳам шундай қадим обидаларга бой. Бундай Форумларни Ўзбекистонда ҳам ўтказиш лозим”,-деди у ўз нутқида.
Шаҳар ҳокими ўз чиқишини Бухоро ҳақидаги “Welcome to the Bukhara” видеоролиги намойиши билан якунлади. Бухоронинг кеча, бугуни ва эртаси намоён видеоролик 30 та давлатдан ташриф буюрган 42 та шаҳар мэрлари томонидан юқори баҳоланди.
«Welcome to the Bukhara» инглиз ва рус тилларида тайёрланган.
Маълумот учун: “Silk Road. Mayors Forum”да, асосан, ташқи туризмни ривожлантиришга оид масалалар кўриб чиқилди.
