Сувқотар: Ўзбек спорти яна жаҳон кезмоқда

Юртимизнинг қай гўшасига борманг, мисли кўрилмаган бунёдкорлик ишларига гувоҳ бўласиз. Буларнинг бари, албатта, президентимиз бошчилигида олиб борилаётган ислоҳотлар самарасидир. Айниқса спорт соҳасидаги ютуқларимиз жаҳон миқёсида эътироф этилмоқда. Ўз вақтида ўзбек кураши билан донг таратган Ўзбекистон бугун сувқотар спорт тури билан яна жаҳон ҳамжамияти эътиборини тортди.

Сувқотар — халқимизнинг азалий спорт турларидан бири бўлиб, у асосан пахта ҳосили йиғиладиган ойларда ўйналади. Битта матчда олти киши қатнашади. Улар дала ёнидан оқиб ўтаётган ариққа иштончан тушиб олиб, бошларини эгиб туришади. Огаҳийнинг ёзишича, мусобақа давомида ўйинчиларнинг қўллари блокнотлар билан банд бўлиши керак. Охиригача чидаб, туриб берган спортчи кун бўйи шийпонда чой ичиб ётишига рухсат берилади, қолган бешовлон далада унинг пахта режасини бажаради.

Муздек ариқ сувидан оёққа ҳаммом қилиш соғлиқ учун нақадар фойдалилигини Ибн Сино бобомиз ҳам ёзиб кетган. Мунтазам равишда ушбу амалиётни бажариш инсон организмида қизиқ ўзгаришларни келтириб чиқаради.

Сувқотар бўйича тузилган биринчи жамоамиз Тошкент вилоятининг Оққўрғон туманида дастлабки матчни ўтказди. Унда Оққўрғон тумани ҳокимининг қишлоқ хўжалиги ишлари бўйича ўринбосари Шерзод Муродов ғолиб деб топилди. Иштирокчилар қимматбаҳо совғалар билан тақдирланди.

Тадбирда Ўзбекистон бош вазирининг ўринбосари Зоир Мирзаев иштирок этди.

Кейинги мақолада Олимпия ўйинларига киритилиши кутилаётган яна бир миллий ўйинимиз — “кесаккўтар”га батафсил тўхталиб ўтамиз.

© Элдар Асанов

Бўлишинг:

Муҳаррир танлови

Туркияда саккиз ойда 671нафар ўзбекистон фуқароси паспортини йўқотди

Охирги пайтларда Истанбул шаҳрида бўлиб турган Ўзбекистон Республикаси фуқаролари орасида шахсини тасдиқловчи асосий ҳужжат – паспортга оид муаммолар сони кескин кўпайди. ...

Тошкентдаги масжид имоми мансабдорларга ер ва дўкон ажратишни сўраб чиқди

Ижтимоий тармоқларда зиддиятли чиқишлари билан танилган тошкентлик имом Шермурод Тоғай мансабдор шахсларга “махсус дўкон, тижорат олиб борадиган жойлар” ажратишни таклиф ...

Ўзбекистонда 2021 йилдан мажбурий суғурта тизими жорий этилади

Соғлиқни сақлаш вазирлиги матбуот хизматининг хабар беришича, 2021 йилдан бошлаб Ўзбекистонда мажбурий суғурта тизими босқичма-босқич жорий этилади. Мазкур тизимни молиявий ...