Дарбадар ўғилнинг қайтиши

Халқ таълими вазирлиги тизимидаги бугунги тайинловлар орасида эътиборга молик жиҳат — Дилшод Кенжаев дейиш мумкин.

Дилшод Кенжаев

У сўнгги икки йил ичида ушбу лавозимга учинчи марта қайтди. Уни вазир ўринбосари лавозимидан биринчи марта Алишер Саъдуллаев тайинланиши сабабли маҳрум қилишган бўлса, кейинчалик бошқарма бошлиғидан яна вазир ўринбосари лавозимига тайинланган эди.

 

Кейинчалик Шерзод Шерматов ва унинг жамоаси вазирлик раҳбариятини қўлга олгач, Дилшод Кенжаев яна лавозимидан олинади. Бу гал у ҳукуматга ўтади. Дилшод Кенжаев Вазирлар Маҳкамаси маданият-санъат ва ёшлар сиёсати масалалари ахборот-таҳлил департаментининг ёшлар сиёсати ва маънавий ривожлантириш масалалари шўъбаси раҳбари лавозимида фаолият юритиб келаётган эди.

 

Халқ таълими вазири ўринбосари Алишер Саъдуллаевнинг Ёшлар иттифоқи раиси биринчи ўринбосари этиб сайланиши муносабати билан Дилшод Кенжаев яна вазир ўринбосар сифатида қайтди.

 

Дилшод Кенжаев халқ таълими тизими кесишадиган барча вазирлик ва идоралар билан самарали ишлай оладиган, ўзбек бюрократияси ва бошқарув тизими алифбосини яхши тушунадиган, ҳақиқатан ҳам, эйфориялардан холи кадр. У билан ишлаш барча давлат органлари учун қулай ва маъқул. Бу таниш-билишчилик нуқтаи назаридан эмас, балки ҳамма билан субординацияни сақлаган ҳолда ишлайдиган ва натижа берадиган кадр эканлигидандир.

 

P.S.: Президент қарорига кўра, шуниндек, Халқ таълими вазири ўринбосари вазифасини бажариб келган Алишер Умаров Халқ таълими вазирининг биринчи ўринбосари, вазир ўринбосари вазифасини бажариб келган Атабек Назиров ва Сарвар Бабаходжаев вазир ўринбосари лавозимига тайинланди. Яъни уларнинг титулидан “ио” йўқолди.

 

Яна бир бўш турган Халқ таълими вазири ўринбосари лавозимига Иброхим Джураев тайинланди. У ҳудудий бошқармалар фаолиятини ҳамда мактабларни қуриш, таъмирлаш ва жиҳозлаш масалалари бўйича жавобгар бўлади.

Манба: davletovuz

Бўлишинг:

Муҳаррир танлови

Огоҳ бўлсак, одамлар, ёхуд гувоҳнинг хикояси

Ҳаётда кўплаб муаммоларимиз бефарқлигимиздан бошланади. Қорақалпоғистон пойтахти Нукус шаҳри буюм бозори олдида йўналиш машиналари тураргоҳида  икки йигит каттиқ тортишарди. ...

Ўзбекистонликлар уч ойда салкам 6 трлн сўм пулни банкоматлар орқали нақдлаштирган

Йил бошидан буён АТМ (банкомат) қурилмалари орқали ўтказилган нақд пул бериш амалиётлари сони 11,3 млн.тани, миқдори эса 5 трлн 939 327 млн. сўмни ташкил этди. Бу ҳақда Ягона ...

Санъатнинг шармандали “санъати”

ОАВларида барчанинг нафратига учраган Санъат Умаровнинг ўта шавқатсиз инсонга ўз онаси, опаси, синглиси каби аёл кишига қилган муносабатини ёзиб, ўз фикрларини ...