Бошқа мавзуларБахтиёр Ибатов Сурхондарё вилояти Денов тумани ҳокими лавозимига тайинланди. Бу ҳақда 10 ноябрь куни халқ депутатлари туман кенгашининг навбатдан ташқари 48-сессиясида маълум қилинди.
Бахтиёр Ибатов 8 ноябрь куни вилоят прокурори этиб тайинланган Улуғбек Қосимовнинг ўрнини эгаллади. У бугунгача Ангор тумани ҳокими сифатида ишлаб келган.
Ангор тумани ҳокими лавозимига эса вилоят экология ва атроф-муҳитни муҳофаза қилиш бошқармаси бошлиғи сифатида ишлаб келган Усмон Туропов тайинланди.
Сессияда вилоят ҳокимининг биринчи ўринбосари Тўра Боболов иштирок этди.
