Шавкат Мирзиёев чиқинди пулини ҳам МИБ ундириши кераклигини августда айтганди. 1 январдан энди шундай бўлади

Августда ўтказилган йиғилишларнинг бирида Президент Шавкат Мирзиёев чиқиндиларни тўплаш ва олиб чиқиш хизматлари учун тўловларни аҳолидан томонидан тўланишини таъминлашни Мажбурий ижро бюроси зиммасига юклаш ҳақида кўрсатма берганди. Президентнинг 22 ноябрдаги фармонига мувофиқ, 1 январдан шундай бўлади — чиқинди учун тўловни ҳам энди ҳар ойнинг 10 санасидан кечиктирмай тўлаб қўйишингиз лозим.

Фармонда белгиланишича, МИБ «қаттиқ маиший чиқиндиларни тўплаш ва олиб чиқиш хизматлари учун аҳолидан мажбурий тўловлар тўлиқ ва ўз вақтида тушишини таъминлаш, ушбу соҳадаги қарздорликни камайтириш учун жавобгардир». Агар кимда-ким чиқинди пулини олти ойдан ортиқ вақт давомида тўламаса, Давлат экология қўмитаси уларнинг устидан судга ариза киритади (лекин МИБ олти ойгача тўламасликка қўярмикин, қизиқ).

 

Шундай қилиб, МИБ деярли барча коммунал хизматлар бўйича тўловларни ундирувчи марказий ташкилотга айланиб бўлди — электр ҳақини ҳам, газ ҳақини ҳам, сув ҳақини ҳам бюрога тўлайсиз (тўламасангиз, қарздор бўлсангиз, МИБнинг базасига тушиб қолсангиз, 21 турдаги хизматлардан  ҳам фойдалана олмайсиз). Бундай вазиятда озгина адолатсизлик ҳам бор, деган фикрдаги ҳамюртларимиз ҳам йўқ эмас.

 

«Дейлик, электр/газ/сув таъминоти/чиқинди ҳақи учун МИБ келиб тўловни ундиради, лекин унга электр кўп ўчяпти, газ босими паст, иссиқ сув иссиқ эмас, чиқинди вақтида олиб чиқиб кетилмайди, деб шикоят қилсанг, «Биз фақат пул йиғувчи, шикоятни «Ўзбекэнерго»/«Ўзтрансгаз»/«Иссиққуввати»/«Махсустранс»га қиласиз, дейди. Бу худди нон дўконига борсангу, у ердаги ҳамма нонлар тишлаб қўйилган бўлса, сотувчидан: «Нима бу аҳвол?», деб сўрасанг, у сенга: «Мен фақат нон ҳақини олишга жавобгарман, нега тишланганини эса нон заводдан бориб сўранг», дегандек мантиқсиз-ку».

 

Ростдан ҳам, сал ғалатироқ вазият.

Манба:Daryo — LIVE

Бўлишинг:

Муҳаррир танлови

Каримов берган томорқага қурилган уйларни иштихон ҳокими уч кунда бузмоқчи

Иштихон ҳокими уйларни уч кунда бузмоқчи Ўртоқлашинг Самарқанд вилояти Иштихон тумани ҳокими Янгиккент қишлоқ фуқаролар йиғини Чилликчи қишлоғида яшовчи 8 хўжаликка ...

Сирдарёлик ўлган йигитни милиция ходимлари калтаклаганини яқинлари иддао қилмоқда

Сирдарё вилоят, Боёвут туманининг “Бунёдкор” ҚФЙда яшаган 33 яшар Элмурод Мустафоевнинг яқинлари у милиция ходимлари томонидан аёвсиз калтакланганидан сўнг вафот этганини ...

Перу: ёқилғи нархи кўтарилиб, норозиликлар давом этмоқда

Перуда ҳайдовчилар ёқилғи нархи ошишига қарши норозилик намойишларини давом эттирмоқда. Кеча улар бир нечта йирик йўлларни тўсиб қўйишди. Бу ҳақда хорижий ОАВ хабар берди. ...