Абадий двигатель

АБАДИЙ  ДВИГАТЕЛЬ (лотинча Perpetuum mobile) — бир  марта  ҳаракатга  солиб  юборилгандан  кейин  чексиз  узоқ  вақт  ўз-ўзидан  иш  бажара  олади,  деб  фараз  қилинган  машина. 

Энергиянинг  сақланиш  қонуни  кашф  этилмасдан  олдин асрлар давомида одамлар сарфланган  энергиядан кўпроқ иш бажаришга имкон  берадиган  машинани  яратишга  уриниб  келдилар. Бундай машинага ҳатто «Абадий двигатель»  деб ном ҳам берилган. Абадий двигательнинг турли-туман лойиҳалари таклиф қилинган, лекин  Абадий двигатель қуриш  мумкин  эканлигини  табиатнинг асосий қонунлари узил-кесил инкор  қилади.  Ташқаридан  энергия  олмай,  ўз- ўзидан иш бажара олувчи машина шартли равишда биринчи тур Абадий двигатель дейилади.

Энергиянинг  сақланиш  ва  бир  турдан  иккинчи турга айланиш қонунига асосан  ҳар  қандай  иш  фақат  энергия  ҳисобига  бажарилади.  Шунинг  учун  бундай  Абадий двигательнинг  бўлиши  мумкин  эмас.  Таклиф  қилинган  кўпчилик  Абадий двигатель лойиҳаларида  оғирлик кучи таъсирига умид қилинади. Унда  залвар  масса  (золдир) берк йўлда ҳаракатланади. Бунда золдир пастга тушганда уни юкррига  кўтариш учун сарфланган иш миқдорига  тенг  иш  қайтади.  Шунинг  учун  бундай  механизм сарфланган дастлабки энергия  захираси  ҳисобига  ишлайди.  Бу  захира  тугагач, механизм ҳам тўхтайди. Жисмни  совита  бориб,  унинг  иссиқлигини  тўла-тўкис  ишга  айлантирувчи  машина (иссиқлик  машинаси)  шартли  равишда  иккинчи  тур  Абадий двигатель дейилади.  Бундам  Абадий двигатель энергиянинг  сақланиш  ва  бир  турдан  иккинчи  турга  айланиш қонунига зид келмайди. Лекин  бирор манба (масалан океанлар, атмосфера) даги  иссиқликни  бутунлай  ишга  айлантирувчи  табиий  жараён  мавжуд  эмас.

Шунинг  учун  термодинамиканинг  иккинчи қонунига асосан бундай Абадий двигатель ҳам  бўлиши  мумкин  эмас.  Абадий двигательларни  ясаш  мумкин эмаслиги материя ва ҳаракатнинг  ҳақиқатан  абадий  эканлигидан,  табиат  ҳодисаларининг муайян қонунлар асосида ривожланиб туришидан дарак беради.

Манба:ЎзМЭ

Бўлишинг:

Муҳаррир танлови

Етмиш икки кунлик озодлик!

Марказий Осиёда демoкратик ва дунёвий давлат сифатида тақдим қилинган Туркистон мухторияти тузилган кунига 100 йил тўлиши муносабати билан, 23 феврал 2018 йил Ўзбекистон ...

Apple ширкати ўзи юрадиган автомобиллар лойиҳаси учун одам ёллади

АҚШнинг Apple ширкати ўзи юрадиган автомобилларга қизиқиб келаётгани сир эмас. Ширкат яқинда таниқли муҳандис Жейми Вайдони ишга олди. (more…)

Самарқандда қуёш электр станцияси: лойиҳа ижросини ким ортга сурмоқда?

Қарийб бир йил олдин “Ўзбекэнерго” ДАК Хитойнинг “Zhuhai Singyes Green Building Technology Co., Ltd” компанияси тендерда ютиб чиққани ва Самарқанд вилоятида қуёш электр ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400