Петербургда ўзбекистонлик аёл 4 йилга қамалди. У ўз фарзандини сотиб юборган

Санкт-Петербургда суд ўзбекистонлик аёлни янги туғилган чақалоғини сотишга урингани учун уч йил ва саккиз ойга озодликдан маҳрум этиш ҳақида қарор чиқарди. Бу ҳақда Кун.уз нашри шаҳар судлари матбуот хизматига таяниб хабар қилди.

Иллюстратив фото

Аниқланишича, аёл 7 сентябрь куни фарзандини дунёга келтирган. Моддий қийинчиликлар туфайли болани сотишга қарор қилади. Бу ҳақда ҳуқуқни муҳофаза қилиш идораларига маълум бўлган.
Ўзбекистон фуқароси бўлган Нилуфар Абдуллаева тезкор-қидирув тадбири доирасида харидор сифатида ўзини кўрсатган аёлга чақалоқни берган. «Келишув» нархи 280 минг рубль (4 минг доллардан ортиқ)ни ташкил этди. Шундан кейин она қўлга олинди. Чақалоқ олти кунлик бўлган.
Аёлга нисбатан одам савдо моддаси билан жиноят иши қўзғатилди. Унинг судда аниқлик киритишича, моддий қийинчиликлар туфайли болани сотишга қарор қилган, олинган пуллар эвазига эса ватанига қайтмоқчи бўлган.
Судланувчи Россияда ноқонуний равишда ишлаб, яшаб келган. Шунингдек, маълум бўлишича, аёлнинг эри бўлган, у хотини чақалоқни сотиш режасида бўлганини билмагани айтилади.

Бўлишинг:

Муҳаррир танлови

Истамбулдаги ресторанлардан бирида овқатланган мадуро венесуэлаликлар ғазабини келтирди

Венесуэла президенти Николас Мадуронинг Истанбулдаги энг қимматбаҳо ресторанлардан бирида тушлик қилаётгани видеоси ҳозирда оғир иқтисодий инқироздан азият чекаётган минглаб ...

Габонда давлат тўнтариши юз берди

Габон ҳарбийлари демократияни тиклаш мақсадида Африкадаги ушбу давлатда ҳокимиятни қўлга олганини маълум қилди. Бу ҳақда «РБК»га таяниб «Дарё» нашри  хабар бермоқда. ...

Зеленский 15 нафар губернаторни ишдан бўшатди

Президент маъмуриятининг бошлиғи ўринбосари Руслан Рябошапка маълум қилишича, Владимир Зеленский 15 та вилоятдаги губернаторларни лавозимидан четлатди. Бу ҳақда «Дарё» нашри ...