Бошқа мавзуларАндижон вилоятида жойлашган автомобилларга техник хизмат кўрсатиш устахонасидаги ёнғинда эркак тириклайин ёниб кетди, яна бири эса касалхонага ётқизилган, дея хабар бермоқда “UzNews.uz” сайти.
ИИВ ЁХББнинг хабар беришича, ҳодиса бугун, 10 декабрь куни Андижон вилояти Балиқчи туманида жойлашган автомобилларга техник хизмат кўрсатиш устахонасида содир бўлган.
Ёнғин оқибатида устахонанинг 30 кв.метр майдонда шифти, томи ва устахона жиҳозлари ҳамда устахонада бўлган “Дамас” автомобили ёниб зарарланган.
Ёнғинни ўчиришга 2та ёнғин ўчириш экипажлари жалб этилган. Кўрилган тезкор ҳаракатлар натижасида ёнғин ўчирилган. Ёнғинни бартараф этиш вақтида фуқаро С.П.нинг куйган ҳолдаги жасади топилган, шунингдек устахона ишчиси фуқаро Н.Б. куйиш тан жароҳатини олиб шифохонага ётқизилган.
Ёнғиннинг тахминий сабаби – автомобиль газ баллонини демонтаж қилиш жараёнидаги эҳтиётсизлик.
Моддий зарар миқдори аниқланмоқда.
