Бугун, 14 декабрь куни тахминан соат 10:00 да Наманганда қаттиқ гумбурлаш овози эшитилган. UZ24 нашрининг хабарига кўра, UZ24 сайтининг ўқувчилари кучли зарбдан дераза ойналари ҳам ларзага келганини айтишган.
Эслатиб ўтамиз, бу каби ҳолат 6 декабрь куни ҳам кузатилганди. Ўшанда аввалига Мингбулоқ нефть конида портлаш юз бергани хабар қилинди, кейин эса расмийлар бу хабарни рад этиб, ҳудудда ҳеч қандай портлаш содир бўлмаганини таъкидлашди.
Вилоят ИИБ матбуот хизмати гумбурлаш табиат ҳодисаси бўлиши ҳам мумкинлигини тахмин қилиб, ўрганишлар давом эттирилаётганини маълум қилганди. Ҳозирча ҳолат расмий изоҳлангани йўқ.