Ўзбекистонда солиқ қарзини пластик картадан сўзсиз ундириш тартиби тайёрланди

Давлат солиқ қўмитаси томонидан тайёрланган “Солиқ қарзини жисмоний шахсларнинг банк пластик карталаридан сўзсиз ундириш тартиби тўғрисида” идоралараро қарор лойиҳаси умумий муҳокамага қўйилди.

Қарор лойиҳасида қайд этилишича, қарздор жисмоний шахсларнинг солиқ қарзи банк пластик карталаридан ойига энг кам ойлик иш ҳақининг икки бараваридан кўп бўлмаган миқдорда сўзсиз ундириб олинади.

“Энг кам иш ҳақи миқдори қонун ҳужжатларига мувофиқ инкассо топшириқномаси юборилган санада шу ой учун белгиланган энг кам иш ҳақи миқдоридан келиб чиқиб аниқланади. Агар энг кам иш ҳақи миқдори ўзгарган тақдирда, ўзгарган миқдордан келиб чиқиб қайта ҳисоб-китоб қилинади”, – дейилган қарор лойиҳасида.

Банк пластик карталардан жисмоний шахсларнинг мол-мулк, ер солиқлари ва даромадлар тўғрисидаги декларация асосида ҳисобланган солиқ ҳамда тадбиркорлик мақомини йўқотган ва банкда ҳисобварақ очмаган ёки банк ҳисобварақлари ёпилган якка тартибдаги тадбиркор-жисмоний шахсларнинг тадбиркорлик фаолияти бўйича солиқ қарзи сўзсиз ундирилади.

Жисмоний шахсларнинг пластик карталаридаги айрим ҳолатларда пул маблағларига нисбатан ундирув қаратилмайди. Масалан, бола туғилганлиги муносабати билан тўланган суммалар; алимент мажбуриятлари бўйича тўланган суммалар; ҳомиладорлик ва туғиш бўйича тўланган нафақа суммалари. Бундай ҳолатларнинг тўлиқ рўйхати қарор лойиҳасида берилган.

Жисмоний шахснинг давлат солиқ хизмати органига пластик карта рақамини кўрсатган ҳолда аризаси асосида ўзининг ёки аризасида кўрсатилган жисмоний шахснинг солиқ қарзи ёки жорий тўловлари ҳисобига ундириб олиниши мумкин.

Давлат солиқ қўмитаси солиқ ва бошқа мажбурий тўловларни тўлаш муддати тугаганидан кейин уч иш кунидан кечиктирмай солиқ қарзи мавжуд бўлган жисмоний шахслар, уларнинг шахсий идентификацион рақамлари, паспорт маълумотлари, ҳудудий давлат солиқ хизмати органи номи, солиқ ва бошқа мажбурий тўловлар номи, солиқ қарзи миқдори тўғрисидаги ахборотларни ҳимояланган алоқа канали орқали Марказий банкига электрон шаклда тақдим этади.

Қарор Бандлик ва меҳнат муносабатлари вазирлиги ва Ўзбекистон Касаба уюшмалари Федерацияси Кенгаши билан келишилади.

Манба:Соф.uz

 

Бўлишинг:

Муҳаррир танлови

Ўзбекистонда атушлик тадбиркорга нисбатан жиноят иши очилди

1979 йил 14 июнь куни туғилган Рехемаити. Й. “Hushnuda Tikuv Servis” МЧЖ ижрочи директори вазифасида ишлаб келиб, мамлакатимизга матолар олиб келиб сотиш билан шуғулланиб ...

Газимизни русларга бериб, яна улар олдида қарздормиз. халқимизга газни қайтаринг!

Давлат бошқаруви ислоҳотлари соҳасида таниқли эксперт, Сингапурнинг «Smartgov Сonsulting» консалтинг бюросининг ҳудудий ижрочи директори Азиза Умарова ўзининг телеграм ...

Бош кўтаргани учун “боши кесилган” тадбиркорлар

Бу бозордан ҳар куни давлатга қарийб 15 миллиард сўм топшириларди, бугун эса ҳеч вақо… 1,5 минг нафардан ортиқ одам меҳнат қилиб, оиласини боқарди, бугун эса улар иш излаш ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400