Қирғизистон терма жамоаси бош мураббийи: “Осиё Кубогидаги асосий мақсад – гуруҳдан чиқиш”

Қирғизистон терма жамоаси бош мураббийи Александр Крестинин ОФК расмий сайтига интервью берди.

“Биз ўз даражамиз ва Осиё Кубоги даражасини тушуниб турибмиз. Биз рақобатбардош жамоа бўлишимиз керак. Бунинг учун барча нарса бор.

Биз мақсадларимизга қадамма-қадам эришишга умид қиламиз. Терма жамоамизнинг асосий мақсади – гуруҳдан чиқиш. Кейин эса олдинга интилиш.

Мухлисларимиз қандай ўйин намойиш этишимизни билишади. Қисқа ва ўрта паслар билан, ҳужумкор ўйин намойиш этишга уринамиз. Бироқ рақибларимизнинг даражаси туфайли баъзи учрашувларда ўйин услубимизни ўзгартиришимиз керак бўлади. Бу иш яхши натижа қўлга киритиш учун қилинади.

Осиё Кубогида кучсиз жамоа йўқ. Барча рақиблар жуда жиддий. Жанубий Кореяни 2018 йилги Жаҳон чемпионати иштирокчиси сифатида биламиз. Хитой бош мураббийи Марчелло Липпи ҳам Жаҳон чемпиони ҳисобланади. Филиппин ҳам биз каби Осиё Кубогида янги жамоа. Улар билан яқинда иккита яхши ўйин ўтказдик, бироқ уларда ғалаба қозониш насиб этмади.

Гуруҳдаги ўйинлар осон бўлмайди. Кучли жамоани мағлуб этиш доим ёқимли. Биз меҳнат қилишда давом этамиз.

Футбол ривожланиши ва оммалашиши терма жамоа ҳамда клубларнинг натижаларига боғлиқ. Ҳозирча терма жамоанинг ишлари яхши кетмоқда. Қирғизистон халқи ўз терма жамоаси иштирокини томоша қилиши ва фахрлашиши лозим”, – дейди Александр Крестинин ОФК расмий сайтига

Манба : championat.asia

Бўлишинг:

Муҳаррир танлови

Рустам иноятовга алоҳида халқаро мукофот берилди

Жорий йилнинг 1 декабрь куни Манила шаҳрида Осиё теннис федерациясининг йиллик конгресси бўлиб ўтди, деб хабар бермоқда Ўзбекистон Теннис федерацияси матбуот хизмати. ...

Қор бору спортчи йӯқ

Кеча Жанубий Кореянинг Пёнчанг шаҳрида ХХIII қишки Олимпиада ўйинларининг расман очилиш маросими бӯлиб ўтди. (more…)

Равшан эрматов учун жч-2018 якунланди

ФИФА ЖЧ-2018нинг қолган ўйинларини бошқарадиган ҳакамлар рўйхатини эълон қилди. 17 кишилик рўйхатда россиялик Сергей Карасев ва ўзбекистонлик Равшан Эрматовга жой топилмаган. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400