Озарбайжоннинг эски манати инфляция бўлганида масхара бўлганми?

Озарбайжон манати ҳам 90-йилларда ва 2000-йиллар бошида кичикроқ инфляцияни бошдан кечирган. Ўшанда 10 минг ва минг номиналли банкноталар чиқарилган. Одамлар “минг”, “ўн минг” дейишга эриниб, банкноталарга ном қўйиб олишган: 250 манат — қиз қалъаси (qız qalası, банкнотада Бокунинг шу номли машҳур тарихий обидаси тасвирланган эди), 500 манат — низомий (nizami, ким тасвирланганини тушундингиз), минг манат — мамадэмин, ёки маммад (məmməd, Мамадамин Расулзода тасвири туширилган), 10 минг манат — ширвон (şirvan, Ширвоншоҳлар саройи тасвирланган).

 

250 манат — қиз қалъаси
500 манат — низомий
Мамадамин Расулзода тасвири туширилган
10 минг манат — ширвон

У йилларда Боку бозорига чет эллик одам кириб қолса, озгина айланиб, нарх-навони тушунмай чиқиб кетарди. Айтайлик, кимдандир нарх сўрасангиз, у “беш ширвон, бир низомий” дерди, бу 50 500 манатлигини тушунишга вақт ва кўникма талаб қилинарди. Ёки бўлмаса, айтайлик, куртка сотволаман десангиз, юз эллик беш ширвон тўлашингизга тўғри келарди (қанчалигини ўзингиз ҳисоблаб олинг, эриндим). Ҳозир ҳам озарбайжонлар “бир маммад, икки маммад” деб ҳазиллашиб юришади.

2006 йил 1 январида мамлакатда деноминация ўтказилиб, 5 минг манат 1 манатга тенглаштирилди. Унгача 100 доллар тахминан 50 минг манатга (ёки беш ширвонга) тенг эди, ҳозир эса банка 100 доллар топшириб, 176 манат оласиз.

 

Дарвоқе, яна масхара бўлиб кетмасин деб янги банкноталарга одамларнинг ва тарихий биноларнинг суратлари жойланмай қўйган.

Манба:Телеграмдаги Асанов формати канали

Бўлишинг:

Муҳаррир танлови

Украина миллатчилари исён кўтарди

Украинадаги «Миллий корпус» мухолифатчи миллатчилардан иборат ташкилот вакиллари мамлакат президенти Петр Порошенконинг Черкассдаги чиқишида тартибсизликларни келтириб ...

Ўзбекистон сенатори содиқ сафоев ақш мулозими билан савдо-сотиқ масалаларини муҳокама қилди

Жанубий ва Марказий Осиё мамлакатлари бўйича Савдо вакили Марк Линскотт Ўзбекистон Жаҳон Савдо Ташкилотига аъзо бўлиши ва Қўшма Штатлар билан савдо қилиш масалаларини ...

Остона ҳадлаб ўтган дўстум. ўзбеклар етакчиси қайтганидан сўнг афғонистонда қандай воқеалар юз бериши мумкин?

Ўзбек генерали, Афғонистоннинг вице-президенти Абдул Рашид Дўстум 14 ойлик танаффусдан сўнг Қобулга қайтди. У чартер рейс билан украиналикларнинг «Капитан Роман Власов» ...