Андижон вилоятининг ҳокими Шуҳрат Абдураҳмонов Ўзбекистон Суперлигасининг 2019-йилги сезонига тайёргарлик қилиш доирасида вилоятдаги тадбиркорларга 8,5 миллиард сўмдан ($964) маҳаллий футбол клубига «ҳомийлик ёрдам» беришни талаб қилган. Бу ҳақда ҳокимиятдаги амалдорлардан бири тасдиқлаган.
Униг сўзларига кўра, маҳаллий «Андижон» футбол клубига моддий ёрдам кўрсатиши шарт бўлган 167 корхона ва ташкилотлар бор. Улар орасида давлат идоралари 5 миллион сўмдан, ҳусусий корхоналар 350 миллион сўмдан тўлаши шарт.
Президент Шавкат Мирзиёевнинг 2017-йилнинг 9-мартидаги фармони билан GM Uzbekistan компанияси «Андижон» футбол клубининг бош ҳомийси бўлиб тайёрланган эди.
GM Uzbekistanнинг вакили ҳозирда компания банкротлик арафасида турганини, шунинг учун маблағ йўқ эканини маълум қилган. «Экспорт йўқ. Автомобилларни сотиш пасайиб кетганлиги сабаб, ҳаражат етишмаяпти. Ҳозир компанияни прокуратура текширмоқда. Корхона банкрот деб эълон қилиниши мумкин», — деб айтган компания вакили.