Бошқа мавзуларОсиё Кубогида 1/8 финал ўйинлари.
БАА терма жамоаси Қирғизистон билан беллашиб, 3:2 ҳисобида ғалаба қозонди. 14-дақиқада Исмоил боши билан аниқ зарба йўллаб, ҳисобни очди. 26-дақиқада Мурзаев дарвозабон билан юзма-юз чиқиб, уни доғда қолдиришга муваффақ бўлди – 1:1.
64-дақиқада Али Мабхут мезбонларни яна ҳисобда олдинга олиб чиқди. Бироқ, қирғизистонликлар ирода намойиш қилиб, сўнгги дақиқада ҳисобни тенглаштира олишди.
Қўшимча вақтларда эса бош ҳакам «саҳнага чиқди». 102-дақиқада у Қирғизистон дарвозасига ўта шубҳали пенальтини белгилади. Аҳмад Халил эса бундай «совға»ни қўлдан бой бермай, жамоасига ғалаба келтирган голни урди.
Энди БАА терма жамоаси чоракфиналда Австралия билан беллашади.
Осиё Кубоги, 1/8 финал
21 январь
БАА – Қирғизистон 3:2 (қ.в.)
Голлар: Ҳамис Исмоил (14, 1:0), Мирлан Мирзаев (26, 1:1), Али Мабҳут (64, 2:1), Турсунали Рустамов (90, 2:2), Ахмад Халил (103, 3:2).
БАА – 17.Холид Эйса, 2.Али Ҳассан Салмин, 4.Халифа Ғаним (8. Фарес Жума, 30), 5. Амир Абдулраҳмон (Ахмад Халил, 102), 7.Али Мабҳут, 9.Бандар Муҳаммад, 10. Исмоил Матар (23. Муҳаммад Ахмад, 82), 13. Ҳамис Исмоил, 18.Ал Ҳасан Солиҳ, 19.Исмоил Аҳмад 21. Халфан Муборак (13. Исмоил Ал Хаммади, 64).
Қирғизистон – 13.Кутман Кадирбеков, 2.Валерий Кичин, 3.Тамирлан Козубаев, 4. Мустафо Юсупов, 9.Эдгар Бернхардт, 10.Мирлан Мирзаев, 11.Бекжан Сагинбаев, 18.Қайрат Жигалбек, 19. Виталий Люкс, 21.Фарҳод Мусабеков, 23.Ахлиддин Исроилов.
