Қирғизистонга келиб кетган чет элликларнинг 1%ни гина хитойларни ташкил қилади. Бу ҳақда Қирғизистон бош вазирининг ўринбосари Қубатбек Боронов бугун ҳукумат мажлисида маълум қилди.
У Қирғизистонга кириб чиққан хитойларнинг сони оз эканини исботлаш учун бошқа рақамлар билан таққослаб ўтди. Масалан, мамлакатга келиб кетганларнинг ярими– 47%и қозоғистонликлар, 37% – ўзбекистонликлар, шунингдек россияликлар 9%ни ташкил қилади.
Боронов айтганидек, бир йилда Қирғизистонда 500 минга яқин чет элликлар рўйҳатдан ўтган. Улар орасида хитойликлар сони 24 минга ёки 5%га етади.
“Хитойликлар босиб кетди, қоплаб олди деган жамиятдаги ноўрин фикрларни юргизаётганларга ушбу маълумот тўғри етиши зарур”, – дейди у.
Йил бошидан буён мамлкатда хитойларга қарши кайфият кучайиб, икки маротаба намойиш бўлди. Ҳукумат бу кўринишларни ички кучлар атайлаб уюштириб келаётганини таъкидлаб келмоқда.
Мирзоулуғбек Каримов