Риштон туманидан динозавр қолдиқлари топилди

 Риштон тумани Янгийўл қишлоғи, Янгитурмуш кўчаси 2-уйда истиқомат қилувчи Тўхтасинака ўз уйини қайта таъмирлаш ва реконструкция қилиш жараёнида уйнинг эски пол остидан ноъананавий кўринишдаги ҳайвон қолдиқларига дуч келди. Топилманинг суяк тузулишини айни замонимизда яшаётган ва боқилаётган ёки илмий китобларда фотосуратлари акс этган бирор бир мавжудотга қиёслай олмагач уни телефонига суратга туширди.

Фото: “Халқ сўзи”

-Хозир яшаётган хонадонимиз 1969 йилда марказий Фарғона чўлларини ўзлаштириш жараёнида янги инфратузилма барпо этиш учун қурилган,- дейди Тўхтасин ака. Ажабтовур ҳайвон қолдиқларини бирорта жонзодга тахмин қила олмадим ва (одатда қишлоқда шундай қилинади) қўшниларни чақирдим. Ҳамма ҳар ҳил фикрлар, мулоҳазалар билдиряпти. Тахминимизча,динозавр суякларини эслатяпти бу қолдиқлар. Яна билмадим…

Котеджлар барпо қилинкуга қадар бу ерлар яйдоқ чўл ерлари бўлган. Гиёҳ ҳам ўсмаган. Бизники каби хонадонлар қурилиш қонун қоидаларига риоя этилмасдан, ернинг қаттиқ қисмигача кавланмасдан қурилаверган. Шунинг учун бу ҳайвон суяклари безарар сақланган бўлиши мумкин, деган фикрдаман.

Бир қарашда, думини хисобга олмаганда,қолдиқлар кенгуруни,туяқушни эслатади. Оёқларигавдасига нисбатан бақувват, узункуринишга эга. Бироқ қадимда бизнинг ерларда бу ҳайвонлар яшамагану? Умуртқа поғонаси ва қовурға қисми қўйсимон ҳайвонларга алоқадор. Бўйин қисми эса паррандани эслатади.

Шу жойда асоссиз тахминларни тўхтатайлигу, бизнингча, бу ноёб топилмага мутахассисларнинг кўмаги зарурга ўхшайди. Археологлар илмий хулоса беришлари зарур. Ким билади, ҳали бу ҳайвон қолдиқлари шу кунгача мавжуд бўлган илмий фаразларни бутунлай ўзгартириб юборар. Нима дейсиз?!


Манба:“Халқ сўзи”

 

Бўлишинг:

Муҳаррир танлови

Чегарачилар ҳазиллашмоқда: тожикистонлик журналистнинг ўзбекистонга сафари таассуротлари

Ўзбекистон ва Тожикистон ўртасида борди-келдилар осонлаштирилгани, виза тартиби бекор қилинганига қирқ кун бўлиб қолди. Лекин ҳалигача ҳар икки мамлакатда яшаётган жуда катта ...

Жамолиддин муҳаммаджон:юртимни тарк этишни таклиф қилишди

Мени ички ишлар бўлимига олиб борган кунлари, суҳбат асносида нега соқол масаласи кўтарилса фақат Сурия ё Афғонистонни мисол келтирасизлар? Нега Сингапур, Малайзия, Бирлашган ...

Ўзбекистонда ишсизлик даражаси 9,4 фоизни ташкил этди

Ўзбекистонда ишсизлик даражаси 2019 йилнинг I чорагида 9,4 фоизни ташкил этди. Бу кўрсаткич 2018 йилнинг январь-декабрига (9,3 фоиз) нисбатан 0,1 фоизга кўп, бироқ 2018 ...