«Шум бола»даги эрига хиёнат қилган аёл ёки «Келинлар қўзғолони»даги қайнонасига қарши чиққан Нигора нега танқид қилинмайди?

Ўзбекистондаги телеканалларда эфирга узатилаётган ва кўпчиликнинг муҳокамасига сабаб бўлаётган турк сериаллари ҳақида «Sevimli TV» мутасаддиси фикр билдирди.

Лола Шоимова, «Sevimli TV» телеканали кино таҳририяти мудири:

— «Sevimli TVВ» ва бошқа телеканалларда турк сериаллари кўпайиб кетгани бор гап. Лекин бу маънавиятимизга зид сериаллар кўпайиб кетди, дегани эмас-ку! Турк кино ижодкорлари воқеаларни бироз бўрттириб юбориши рост, аммо реал ҳаётни кўрсатишади. Биз сериалларни танлашда қайси давлатда ишлаганига эмас, режиссурасига, актёрлар маҳоратига, сценарийнинг пухта ишланганига ва энг асосийси, воқеанинг қанчалик муҳимлигига эътибор қаратамиз. Телеканалимизда нафақат Туркия, балки Қозоғистон, Қирғизистон, Россия ва бошқа давлатларнинг фильмлари ҳам эфирга узатилади.

Телеканалимизда эфирга узатилаётган «Сўйла Қораденгиз» фильми ва бошқа турк сериаллари сабаб келинлар қайнонасини ҳурмат қилмаяпти, ажрашишлар кўпайди, дейдиганлар ҳам учраб турибди. Нега ҳамма нарсанинг салбий томонини кўрамиз?

«Шум бола» фильмидаги икки воқеани эсланг. Унда эрига хиёнат қилиб, уйига бошқа эркакни киритган аёл ҳақидаги саҳна бор. Иккинчиси, ўғриларнинг бошлиғи шум болани ўғирликка даъват қилади. Нега бу асарни, асар асосида ишланган кинони ҳеч ким қораламайди? Нега «Келинлар қўзғолони»даги қайнонасига қарши чиққан Нигорани ҳеч ким танқид қилмайди? Ахир, киноларда ўша салбий қаҳрамонлар сафида бўлмаслик тарғиб қилиняпти. Инсонга яхшини ёмондан фарқлаш учун ақл берилган. Энг муҳими, томошабин қўлида пульт бор.

Ижтимоий тармоқлардаги фикрларда аниқлик йўқ. Хўш, қайси кинонинг оператори, режиссураси, сценарийси, рассомлик иши, актёрлар маҳоратига эътироз бор? Ҳамма умумий гапиряпти. Ахлоқсизликни тарғиб қилувчи бир неча сериалларни эфирга бермасдан қайтарганмиз. Ана ўшалар ёшлар тарбиясига салбий таъсир қилиши мумкин эди. Бизда мукаммал ишлаган миллий сериаллар йўқ-да. Телеканал буюртмаси асосида миллий сериал ишланяпти. Тайёр бўлгач, хорижий сериаллар ўрнига қўйилади.

Эслатиб ўтамиз, олдинроқ «ZO‘R TV» телеканали муҳаррири томошабинлар турк сериалларини талаб қилаётганини билдирганди.

Манба: Sangzor.uz

 

Бўлишинг:

Муҳаррир танлови

Ўзбек қизларига уйланиш жанубий кореяликларга қимматга тушмоқда

Жанубий Кореяда сўнгги ўттиз йил ичида қишлоқ аҳолиси камайиб кетди. Қишлоқ ҳудудларда аҳолини кўпайтириш учун шаҳар ҳокимлиги хориждан келин сотиб олишга ёрдам бермоқчи. Бу ...

“гугурт қутисичалик шпаргалка-китобчалар кўрдим сотувда”

  "Мен Фарғонадан абитуриентман. Бугун Фарғона шаҳар марказидаги "Мукаммал Нигоҳ" савдо марказига киргандим. Китоблар ичида бир кичик коробкани кўрдим. Жуда ҳам хафа ...

«халқ билан мулоқот» тўхтади…ми?!

 «Маҳалла» телеканали орқали намойиш этила бошлаган шу номдаги кўрсатув бор-йўғи тўрт мартагина жонли эфирга узатилди. Кейин-чи? «Жонли эфир бекор қилинди» Шу йилнинг 14 ...