Шу йилнинг ферваль ойи бошларида, яна денг куппа-кундузи Тошкент маҳаллий аэропорт ходими Акмал Хамраев (барча исм-шарифлар ўзгартирилган) кутиш залида йўловчи Шукурулло Пўлатов билан гап талашиб қолади, деб ёзади «Хабар.уз» сайти.
«Даҳанаки жанг» муштлашувга айланиб, ходимнинг билак кучидан йўловчи тан жароҳати олади. Судга оид тиббий экспертизасининг тегишли хулосасига кўра, фуқаро олган жароҳат «Чап пешона соҳаси, чап ёноқ соҳаси, чап чакка соҳаси юмшоқ тўқималарининг лат ейиши» экани аниқланиб, оғирлик даражасига кўра, соғлиқни қисқа муддатга бузилишига олиб келган ЕНГИЛ тан жароҳати деб баҳоланган.
Мазкур ҳолат юзасидан ҳозирда «Ислом Каримов» аэропортида ЖХТБ ТБ томонидан А.Хамраевга нисбатан Жиноят кодексининг 277-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.