«Барселона» «Реал»ни «класико»даги ғалабалар сони бўйича ортда қолдирди

«Барселона» Испания чемпионатининг 26-турида «Реал» устидан ғалабага эришди. Мадриддаги «Сантьяго Бернабеу» стадионида кечган учрашув кўк-анорранглилар жамоасининг 1:0 ҳисобидаги ғалабаси билан якунланди, деб ёзади Трибуна.уз  сайти.

Бу каталонияликлар клуби учун қаторасига иккинчи «класико»даги ғалаба бўлди, уч кун олдин «Барселона» Испания Кубоги яримфинали доирасида «қаймоқранглилар» жамоасини Мадридда 3:0 ҳисобида мағлуб этиб, турнирдан чиқариб юборганди.

Каталонлар «Реал»ни «Сантьяго Бернабеу»да 72 соат ичида икки марта мағлуб этолган илк жамоа бўлди.

Бундан ташқари, кейинги 24 йилликда «Барселона» «Реал»ни уч кун ичида қаторасига икки марта мағлуб этган (исталган майдонда) тўртинчи жамоага айланди.

Бунгача бундай натижа «Реал Унион» (1972 йилнинг 9 ва 11 апрель кунлари), «Атлетик» (1984 йилнинг 1 ва 4 апрель кунлари) ва  «Депортиво» (1995 йилнинг 24 ва 27 август кунлари) жамоалари томонидан қайд этилганди.

Mundo Deportivo нашри хабарига кўра, кўк-анорранглилар учун бу ғалаба «Реал» билан ўйинлардаги 96-ғалаба сифатида тарихга кирди. Бу ўйингача икки жамоа ҳам «класико»да 95тадан ғалаба билан тенг натижа кўрсатиб турганди.

Шу тариқа, каталонияликлар клуб ўзининг принципиал рақибини ўзаро учрашувлардаги ғалабалар сони бўйича ортда қолдирди. Бу 1932 йилдан буён илк марта кузатилмоқда.

«Барселона» «класико»даги ғалаба эвазига очколари сонини 60тага етказган ва Испания чемпионати турнир жадвалидаги пешқадамлигини давом эттирган. «Реал» 48 очко билан учинчи ўринда жойлашган.

 

Бўлишинг:

Муҳаррир танлови

Шаҳрам ғиёсов колумбиялик дарлис пересни 28 сонияда мағлуб этди

Профессионал бокснинг супер енгил (-63,5 кг) вазн тоифасида фаолият олиб бораётган Шаҳрам Ғиёсов (9-0, 7 КО) ўзининг навбатдаги жангини ўтказди. Мексиканинг Эрмосильо шаҳрида ...

Ўзбекистон u16 жамоаси туркия, сербия ва россия билан ўйнайди

Ўзбекистон U16 жамоаси шу йилнинг 14-22 сентябрь кунлари Тошкентда ўтадиган Осиё чемпионати саралашида иштирок этади, деб ёзади "Трибуна.уз" сайти. Бу мусобақага тайёргарлик ...

Равшан эрматов осиё кубоги чоракфиналнинг иккита ўйинида ишлайди

Ўзбекистонлик ҳакам Равшан Эрматов Осиё Кубоги чоракфиналидан ўрин олган иккита ўйинга тайинланди. Бу ҳақда Трибуна.уз  ёзмоқда. 24 январь куни у Хитой - Эрон ўйинида ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400