Термиз ҳокимияти биноси ёнида ўзига ўт қўйган сурхондарёлик эркак президентга мурожаат қилди

25 февраль куни бир қанча интернет нашрлари ҳамда ижтимоий тармоқларда сурхондарёлик эркакнинг Термиз туманидаги ҳокимият биноси ёнида ўзини ёқиб юборганлиги тасвирга олинган видеоролик тарқалган эди. Ушбу кўнгилсиз ҳолат ҳозиргача кенг жамоатчилик муҳокамасига сабаб бўлмоқда, деб ёзади “Соф.уз” сайти.

Бош прокуратура матбуот хизматининг хабар беришича, ўзига ўт қўйган фуқаро Б.Э. тадбиркор сифатида рўйхатдан ўтмаган ва ер участкаси олиш учун ҳокимликка мурожаат қилмаган. Бироқ унинг рафиқаси О.Ж. миллий ширинликлар, нон ва қандолат маҳсулотларини ишлаб чиқариш бўйича якка тартибдаги тадбиркор гувоҳномасига эга.

2018 йилнинг бошида О.Ж. «Учқизил» маҳалласида ўзбошимчалик билан 50 квадрат метр майдонни эгаллаб, умумий овқатланиш шохобчаси ташкил этган ва “пирожка” сотишни бошлаган. Ноябрда Б.Э. ноқонуний қурилмани бузиш тўғрисида оғзаки огоҳлантирилган, декабрда эса у оиласи билан қурилмани бузган.

Вазирлар Маҳкамасининг 2017 йил 5 июлдаги 467-сонли қарорига кўра, ўзбошимчалик билан бунёд этилган қурилмалар аниқланган тақдирда, қурилмани барпо этган шахс 15 кун ичида ихтиёрий равишда иншоотни бузиши кераклиги ҳақида огоҳлантирилиб, баённома тузилиши белгиланган. «Учқизил»даги ҳолатда ноқонуний иншоот кўнгилли равишда бузилгани учун баённома тузилмаган.

Термиз тумани ҳокимлиги 28 февраль куни (фуқаро ўзига ўт қўйганидан сўнг) Б.Э.га 40 квадрат метр майдонли ер участкасидан вақтинча фойдаланиш ва бу ерда кўчма савдо пештахтасини қуришга рухсат бериш тўғрисида буйруқ чиқарган. «Б.Э. ҳеч кимга эътирози йўқлиги ва воқеадан афсусда эканини маълум қилган», — дейилади Бош прокуратура ахборотида.

“Ҳа, бу хабарнинг қайсидир тафсилоти қолиб кетганга, тушиб қолганга ўхшайди, лекин бори шу. Биз ҳам ҳайронмиз — фуқаро ноқонуний савдо нуқтасини ўзи бузган бўлса, нега яна ўзига ўт қўйган? Ҳокимлик шунчалик ҳақ экан, нега бу фуқаро ўзига ўт қўйганидан сўнг унга ер ажратиш ҳақида буйруқ чиқарган?” дейилади юқоридаги берилган маълумот юзасидан.

Шунингдек, телеграм каналларида ўзига ўт қўйган сурхондарёлик эркакнинг президент Шавкат Мирзиёевга йўллаган мурожаати видеотасвири тарқалмоқда.  Унда фуқаро ёрдам сўраб, президентга шундай мурожаат қилган :

“Ассалому алайкум Ҳурматли президентимиз Шавкат Миромонович! Мен Термиз тумани ҳокимининг оддий халққа ёрдам бермаганлиги сабабли, тадбиркорларни қўллаб-қувватламагани учун, мен ёш тадбиркорни ҳаётимни тугатгани учун, ўз жонимга қасд қилгандим. Ҳокимият ёнида ўзимга бензин қуйиб, ўзимни ёқиб юбордим.

Ҳурматли президентимиз! Сиздан илтимос қилиб сўрайман, менга ёрдам беришингизни. Ҳозир мен эшитяпманки, менга Ўзбекистон кодексларидан 103 моддаси билан менга жиноий иш қўзғаб, ўзимни айбдор қилмоқда. Сиз ёрдам бермасангиз, мени қамоққа олиб кетиб, қамаб юбориши мумкин. Сиздан илтимос қиламан, менинг шу ишларимни текшириб кўриб билишингизни сиздан илтимос қиламан. Илтимос сиздан, президентим ёрдам беринг“ дейилади видеороликда.

 

Бўлишинг:

Муҳаррир танлови

Ўзбекистон конституциясида… қонунларга зид нормалар бор!

Аслида масала тескари қўйилиши керак эди. Яъни, айрим қонунларда Конституцияга зид нормалар борлиги ҳақида. Зеро, Конституция қонунларга мосланиши эмас, аксинча, ҳар қандай ...

Зеленский: мен рус халқини бунчалик шафқатсиз халқ деб ўйламаган эдим!

“Мен рус халқини бунчалик шафқатсиз халқ деб ўйламаган эдим”, — деди Украина президенти Владимир Зеленский. "Йигирма ёшга тўлмаган ёш болалар ўлмоқда. Биз уларнинг ...

Нигерияда 1,4 миллион бола тўйиб овқатланмайди

Нигерия шимолидаги террор ҳужумлари натижасида 1,4 миллион бола тўйиб овқатланмайди. Бирлашган Миллатлар Ташкилотининг инсонпарварлик масалалари координатори Маттиая ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400