Бефарқликнинг ўлчами борми?

Инсоният тарихидаги жамики кулфатлар муайян шахсларнинг бефарқлигидандир. Тўғрироғи, аниқ бир шахснинг бефақлиги худди юқумли касаллик инфекциясидек тез тарқаб, кўплаб ҳудудларни қамраб олганидек.

Ушбу фикрлар тасодифан қўлимга олганим умумий ўрта таълим мактаблари, академик лицей ва касб-хунар коллежлари ўқувчилари учун нашр қилинган “English in Topics” инглиз тили қўлланмасини  варақлаб ўтирганимда хаёлимга келди.

Китобнинг  Ўзбекистонга бағишланган қатор саҳифаларидан 37- сида йил фасллари ҳақида  “SEASONS” матни берилган.

Матнда “March, April and May are spring months” жумласидан кейин ушбу баҳор ойларининг ўзига хослиги талқин қилинади.

“June, July and August are summer months” жумласидан кейин эса Ўзбекистон ёзи тасвирланади.

Куз ойлари атамаларидан кейин ҳам шунга хос изоҳни ўқиймиз.

Қишни эса муаллифлар “Winter begins in December and ends in March” дея чегаралайди.

Абдуллаев Шавкат ва яна бешта муаллифлар гурухи томонидан йилнинг биринчи уч фасли, ҳар доимгидек, уч ойдан бўлиб қўйилган. Охирги ой кўрсатилган фаслга тегишли.

Лекин  ушбу тартибни  қиш фасли ойларига тадбиқ қиладиган бўлсак, март ҳам қишга кириб кетади-ку?!

Ва ниҳоят, бир йилимиз ун уч ойдан иборат… ми…

Қўлланмадаги “My Lyceum” матнида (93 саҳифа) ” There are also sayings and proverbs in Uzbek, English and different oriental  languages , such as English, Indian, Arabic, Turkish, Japanese, Korean, Chinese, Urdu and Farsi ” жумласи келтирилади.

Бу ерда ҳам муаллифларнинг  инглиз тилини шарқ тиллари тоифасига киритишганини оддий эътиборсизликдан бошқа нарса билан изохлаб бўлмас…

Тўғри, инсон бор жойда янглишиш бўлади. Дарсликда янглишиш кетган.

Камина ҳам ўқитувчи. Китобларда,айниқса юқори синфлар дарсликларида талайгина хатоларнинг гувоҳи бўлганман. Бундай пайтларда  шу захотиёқ ўқувчиларга топилган хатоларни китобларида тўқрилаб қўйишларини сўрардим.

Айтишим лозим-ки, ўқувчилар  илтимосни бажариб қўйишарди.

Аммо, 2006 йили пойтахтдаги “Қалдирғоч” нашриётидан чиққан, Ўзбекистон Республикаси Олий ва ўрта махсус таълим вазирлиги , Ўрта махсус, касб-хунар таълими маркази томонидан тасдиқланган юқоридаги айтганим инглиз тили дарслиги 12 йилдан бери фойдаланиб келинаетган бўлишига қарамасдан, бу хатони на нашриёт, на ўқитувчи тўғрилайди.

Бўлишинг:

Муҳаррир танлови

Латифанинг давоми ёҳуд “чаласавод” журналист!

Афанди телевизор кўриб ётган экан. Қўшни хонадан кампирининг овози эшитилибди: - Обор отангга, отанг қарасин! Эшикочилиб, бешик кўтарган келини кўринибди. - Отажон, уйда ёғ ...

Ичан-қалъада яшовчи хиваликлар ўз уйларига пул тўлаб кирадиган бўлди

Хиванинг Ичан-қалъага кириладиган қадимий дарвозаларига турникет ўрнатилди, деб хабар бермоқда “Анҳор.уз”. Энди Ичан-қалъага кириш учун 10 минг сўм тўлаш керак. Хабарда ...

Беш юлдузли отелга қамалган шаҳзодалар

Шу ҳафтада дунё матбуотида Саудия Арабистони подшоҳи 11 нафар шаҳзода ва подшоҳликнинг амалдаги ҳукуматида фаолият юритаётган 4 нафар вазирни коррупцияда гумонлаб ҳибсга ...