“Тоштурма” бузиб ташланди

Тошкент шаҳри Юнусобод туманида жойлашган, халқ орасида “Тоштурма” номи билан машҳур бўлган собиқ ҳибсхона бузиб ташланди. Бу ҳақда бинонинг бузилган ҳолати акс этган фотосуратларини эълон қилган UZ24 нашри ёзмоқда.

Ҳукуматнинг 2018 йил 22 мартдаги фармойишига асосан пойтахтнинг Наманган кўчаси 1-уй манзилида жойлашган 1-сон ҳибсхонаси жойлашган бино ва иншоотлар Тошкент шаҳар ҳокимлигига ўтганди.

Тошкент шаҳар ҳокимлигига мазкур объектни уч ой муддатда бузиш, бузишдан бўшаган ер майдонини ободонлаштириш ва унда барча инфратузилма объектлари мавжуд бўлган замонавий хиёбон (дам олиш маскани) барпо этиш вазифаси юкланганди.

Ҳокимлик матбуот хизматининг UZ24’га маълум қилишича, Инвестор топилса, кўп қаватли уй қурилади. Инвестор топилмаса, бино ўрнида дам олиш маскани қуриш режалаштирилмоқда.

Бузилган бино ўрнида нима қурилиши, Наврўз байрамидан сўнг инвесторлар учун ўтказиладиган очиқ эшиклар кунида маълум бўлади.

Эслатиб ўтамиз, мазкур ҳибсхона 2018 йилнинг январь ойида Зангиота туманига кўчирилган.

 

Бўлишинг:

Муҳаррир танлови

Ўзбекистон қирғизистондан 17 млн долларлик электр энергияси сотиб олди

Қирғизистон Ўзбекистонга 400 млн кВт/соат электр энергияси экспорт қилди. Бу ҳақда қирғиз нашрлари Саноат, энергетика ва ерости бойликларидан фойдаланиш давлат қўмитаси раис ...

Андижонда икки кун олдин йўқолган банкирнинг жасади сойдан топилди

"Ҳамкорбанк"нинг Андижон вилоят, Жалақудуқ туман бўлими ходими, 28 яшар Фазлиддин Қосимовнинг жасади 11 март куни қўшни туман ҳудудидан оқиб ўтувчи сойдан топилди. ...

Қўқонда йирик ўғрилик. бош гумондор — судьянинг ўғли!

Қўқонда йирик ўғрилик жинояти фош этилди. Хабарларга қараганда маҳаллий оилавий тадбиркор — Р.И. хонадонидаги сейфдан жуда кўп миқдорда (етти юз беш минг АҚШ доллари!) пул ...