Ҳукумат интернет нархини 60 фоизга ошириш юзасидан топшириқ берди

Тожикистон ҳукумати қошидаги Монополияга қарши кураш хизмати мамлакатдаги интернет хизматлари учун нархларни 60 фоизга ошириш юзасидан топшириқ берди. Мамлакатда трафикнинг бир мегабайти солиқларсиз камида 5 дирам, бир гигабайти – 50 сомони (5 доллардан кўпроқ) туриши керак.

Иллюстратив фото

Айни дамда 1 Гб нархи ўртача 30–35 сомони (3-3,7 доллар) туради.

Монополияга қарши кураш хизматининг “Электр алоқа тарифлари тўғрисида”ги буйруғи 27 мартдан кучга киради. Буйруқда нархларнинг оширилиши мамлакатда тармоққа кириш тезлигини ошириш йўлидаги ҳаракатлар билан изоҳланади, дея таъкидлайди “Азия-плюс” агентлиги.

2018 йилнинг ёз ҳолатига кўра Тожикистонда интернетга кириш даражаси 33,1 фоизни ташкил қилган эди, бу – Internet World Stats сайти маълумотларига кўра, минтақадаги энг ёмон кўрсаткичлардан биридир. Тожикистонда интернет тарифлари жаҳондаги энг юқори кўрсаткичлардлан биридир, дея ёзади “Фергана” нашри. Speedtest сервиси маълумотига кўра тармоққа кириш ўртача тезлиги рейтингида мамлакат 137 ўрини эгаллаб турибди.

Экспертларнинг таъкидлашларича, мамлакатда интернет-хизматларининг қиммат эканига давлат томонидан ҳаддан зиёд назорат кучлилиги ва интернет-провайдерларга акцизларнинг жорий қилиниши сабаб бўлган.

Манба:Соф.уз

 

Бўлишинг:

Муҳаррир танлови

Энг кўп қўйилган исмлар, тўққизинчи фарзандини туққан жиззахлик аёл ва энг оғир чақалоқ. ўтган йил рақамларда

2017 йилда Ўзбекистонда 722 094та туғилиш қайд этилди. Бу эса 2016 йилгига нисбатан 10 минг 490тага кам (14 фоизлик пасайиш). Бу ҳақда Адлия вазирлигининг ижтимоий тармоқдаги ...

Мақсад коррупцияни йўқотишми ёки бошланғич таълимни тижоратлаштириш?

Янги ўқув йилидан 1-синфга бошқа микроҳудуддан қабул қилинадиган болалар учун ота-оналардан бир марталик тўлов олиш тартиби жорий қилинаётгани қулоғингизга чалинган бўлса ...

Қирғизистон собиқ муфтийси эркакларни иккинчи хотин олишга чақирди

Қирғизистоннинг собиқ муфтийи Чубак ҳожи Жалилов ўзининг каналида иккинчи хотин олганини билдириб, эркакларни ҳам шунга ундади. «Кылым шамы» ҳуқуқни ҳимоя қилиш ташкилоти ...