​​Мелисага ишингиз тушмасин!

Ички ишлар вазирлигига ишингиз тушмасин, уларга мурожаат қилиб юрманг, агар сиз оддий фуқаро бўлсангиз. Улар барибир сизни эшитмайди ёки мурожаатингизни қабул қилмайди, деб ёзади телеграмдаги Zed News канали.

Иллюстратив фото

ИИВ матбуот хизматига мурожаат қилмоқчи бўлсангиз, сизда қуйидаги ваколатлар (ёки ҳуқуқ ва имтиёзлар) бўлиши керак:

1. Камида журналист бўлишингиз керак. Улар оддий фуқаро бирор нима сўраса, жавоб бермайди ва буни тўғри деб билади. Негадир фақат шу орган шундай ҳисоблайди.

2. Журналистларнинг ҳаммасига ҳам улар жавоб беравермайди. Камида давлат рўйхатидан ўтган бўлишингиз лозим. Шунда мурожаатингизга жавоб беришни ўйлаб кўришади.

3. Рўйхатдан ўтган журналистларнинг барчасига ҳам лаббай демайди ИИВ матбуот хизмати. Камида улар танийдиган даражада бўлишингиз талаб этилади. Танимаган журналистига маълумот бермаслик ҳуқуқи бор деб ўйлашади. Ҳолбуки ўзингизни таништирсангиз ҳам.

4. Сизни таниса ҳам, рўйхатдан ўтган бўлсангиз ҳам, барибир жавоб бермасликлари мумкин, чунки ИИВдан аккредитациядан ўтган бўлишингиз керак. Мелисанинг матбуот билан ишлайдиган бўлими ҳар ҳолда шундай фикрда.

5. Юқоридаги ҳамма талабга жавоб берсангиз ҳам, улар мурожаатингизни рад этиши мумкин, қачонки сиз телефон орқали ёки оғзаки мурожаат қилганингизда. Расмий хат билан чиқишингизни айтишади.

6. Агар улар мурожаатингизга жавоб беришни аввалбошдан истамаган бўлса, бу ҳаракатларнинг бари бекор — ёзган хатингиз бир жойларда қолиб кетиши эҳтимоли катта. Ёки камида сизга ақл ўргатади, одоб-ахлоқдан дарс ўтади.

Қизиқ ва кулгили ҳолат-а! Масалан, Бош прокуратура матбуот хизмати исталган мурожаатга лаббай деб жавоб беради. ИИВнинг улардан нима ортиқ ери бор?

Яхшиям журналистларга улар гувоҳнома бермайди!

Бўлишинг:

Муҳаррир танлови

“қўшиб ёзиш” қоидаси (ҳажвия)

  Бу воқеа қаерда бўлганлигини “ҳеч кимга айтмайман”,  деб қасам ичсангиз ҳам айтмайман. Хўжалик номини эса, шартли равишда “Гулрез” деб атаймиз. сўзларимга хоҳ ишонинг, ...

Булунғур ариғидан аёл кишининг жасади топилди

 Самарқанд вилояти Булунғур туманида Булунғур ариғидан аёл кишининг жасади топилди. Бу ҳақда Sputnik Ўзбекистон хабар қилди. Иллюстратив фото Воқеа гувоҳларининг сўзларига ...

Мирзиёев: “қора рўйхатдан чиқарилганларга уй берилсин”

Президент Шавкат Мирзиёев қора рўйхатдан чиқарилган диндорларга муносиб иш, арзон кредит ва уй-жой билан таъминлаш кераклигини айтган. Урганчда гапирган Президент "йўлдан ...