Андижонлик 38 ёшли аёл 10-фарзандини дунёга келтирди

Андижон шаҳридаги «Янги ҳаёт» маҳалласида истиқомат қилувчи Шукуржон ва Насибахон Қодироҳуновлар хонадонида 10-фарзанд дунёга келди. Бу ҳақда «Дарё» нашри хабар бермоқда.

Насибахон Қодироҳунова ва унинг 9 нафар фарзанди.
Фото: «Дарё»

Андижон вилояти перинатал маркази шифокорлари бугун, 11 март куни эрта тонгда туғруқни муваффақиятли амалга оширди. Ҳозирда онанинг ҳам, қиз фарзанднинг ҳам аҳволи яхши.

«Фарзандларим — Шукрона, Шунқорбек, Шоҳидбек, Шукуфа, Шукура, Шонисо, Шаҳина, Шавқия ва Шайҳуллонинг сафи яна бир нафарга кенгайганидан жуда хурсандмиз. Еттинчи қизимизга Шамсинур исмини қўйишни ният қилиб турибмиз. Юртимиздаги ҳар бир оилада соғлом ўғил-қизлар ўйин-кулгиси ҳамиша янграсин илоҳим», — дейди оилабоши Шукуржон Қодироҳунов.

Эслатиб ўтамиз, Андижон шаҳридаги Боғишамол автомобиль бозори ҳудудида жойлашган «Шукрона Шунқор Шоҳид» хусусий корхонаси раҳбари бўлган ўн нафар фарзанднинг отаси Шукуржон Қодироҳуновнинг «Микрокредитбанк» АТБ Андижон вилояти филиали раҳбарияти билан келишолмай, кредит масаласида бир неча йилдан буён сарсон юргани ҳақидаги мурожаати бўйича олиб борилган журналистик суриштирув «Дарё» сайтида эълон қилинган эди. 10 марта ота бўлган Шукуржон Қодироҳуновнинг айтишича, айни пайтда мазкур ҳолат «эски ҳаммом, эски тослигича» қолмоқда.

Бўлишинг:

Муҳаррир танлови

Сергелидаги янги уйлар нархи қайта кўриб чиқилади

Бугун, 11 апрель куни Сергели туман ҳокимлигида Бош вазир Абдулла Арипов раислигида фуқаролар қабули ўтказилди. Бу ҳақда телеграмдаги «Imtiyozli uy» канали хабар берди. ...

Мирзиëев таваллуди: твда “жаноб президент”¸ тармоқда “подшоҳи олам”

Ўзбекистон президенти Шавкат Мирзиёев 24 июль куни 61 ёшга тўлгани муносабати билан Президент Девони матбуот ва теле-радио муҳаррирларига эфирларда мақтовли дастурлар ...

Қозоғистон жанубидаги ўзбекларга мамлакат шимолига кўчиб ўтиш таклиф қилинмоқда

Қозоғистон жанубидаги Туркистон вилоятида яшовчи этник ўзбекларга мамлакат шимолига кўчиб ўтиш таклиф қилинди. Ҳукмрон Nur Otan партияси вилоят бўлими раисининг биринчи ...