Хитой АҚШнинг мусулмонлар ҳуқуқларига оид баёнотига норозилик билдирди

Хитой 11 март куни АҚШ Давлат департаменти расмийсининг мамлакатда мусулмонлар ҳуқуқи бузилаётгани тўғрисидаги баёнотини “туҳмат” сифатида баҳолади, деб ёзади “Соф.уз”.

“Хитой АҚШ расмийсининг асоссиз айбловларидан жуда норози эканини ва бу айбловларга қарши эканини таъкидлайди. Биз бу масалада АҚШга расман норозилик нотаси топширдик”, – деди Хитой ташқи ишлар вазирлиги расмий вакили Лу Канг.

АҚШ Давлат департаментининг диний эркинликлар бўйича махсус элчиси Сэм Браунбек 8 март куни Ҳонконгдаги хорижий мухбирлар клубида сўзлаган нутқида Хитойни мусулмонлар ҳуқуқларини бузаётганликда айблаган эди.

“2017 йилнинг апрелидан бошлаб Хитой ҳукумати 1 миллиондан ортиқ этник мусулмонни қўлга олди. Уларга нисбатан куч ишлатилиб,уйғурлар, қозоқлар, қирғизлар ва бошқа мусулмон миллатлар мажбурий равишда қайта тарбиялаш лагерларига жойлаштирилди. Уларнинг оила аъзолари яқинлари ҳатто ўлик ёки тирик эканлигини ҳам билмайди. АҚШ президенти Дональд Трамп маъмурияти бу ҳолатдан қаттиқ ташвишда ва Бейжиннинг бу ҳаракатларини мусулмонларнинг ўзлигини, маданиятини ва эътиқодини назоратга олиш уруниши сифатида баҳолайди”-деган эди Браунбек.

 

Бўлишинг:

Муҳаррир танлови

Меҳнат муҳожирлари ўзбекистоннинг кўринмас кучи

Республиканинг бир неча вилоятларида бошқа туманларга қараганда илгорроқ туманлар бор. Ғиждувон тумани ҳам шунақа туманлардан биттаси. Бу туманнинг аҳолиси тадбиркорлиги ...

Ap: ақш мигрантлардан олиб қўйилган болаларни бошпаналарга жойлаштирмоқда

АҚШ президенти маъмуриятининг ходимлари АҚШ ва Мексика чегарасида ота-оналаридан мажбуран тортиб олинган гўдак ва болаларни Жанубий Техасдаги камида учта бошпанага жойлаштира ...

Ўзбекистонда соч экиш бўйича илк операция ўтказилди

     Республика дерматология ва венерология махсус илмий-амалий марказида илк марта чоксиз усулда соч экиш операцияси ўтказилди. "Uzbekistan Today" газетасининг ёзишича, ...