Петр Порошенко  Ўзбекистондаги элчисини вазифасидан озод қилди

Украина президенти Петр Порошенко мамлакатининг Ўзбекистондаги фавқулодда ва мухтор элчиси Юрий Савченкони ўз вазифасидан озод этиш бўйича фармон чиқарди. Бу ҳақда “Халқ сўзи” нашри ёзмоқда.

Эслатиб ўтамиз, украиналик 65 ёшли дипломат ушбу лавозимда 2010 йилдан бери фаолият юритиб келаётган эди. У мазкур ишга Украинанинг собиқ президенти Виктор Янукович томонидан тайинланганди.

Ўзбекистон ва Украина ўртасидаги товар айланмаси ўтган йилнинг 8 ойи давомида 2017 йилнинг шу давридагига нисбатан 54 фоиз ўсиб, 268 миллион АҚШ долларини ташкил этган. Шунга қарамай икки мамлакат ўртасида айрим савдо низолари ҳам рўй берди.

Украина Ўзбекистондан импорт қилинадиган янги енгил автомобилларга нисбатан субсидия билан боғлиқ текширувларни очган эди. Оқибатда украин шакари, фармацевтика ва бошқа маҳсулотлари Ўзбекистон божхонасида қатор муаммоларга дуч келди. Кейинчалик давлатлар ушбу баҳсли вазиятни тартибга солишга эришишди.

Бугунги кунда Украина ҳудудида Ўзбекистоннинг 40 мингдан зиёд фуқароси яшайди. Улардан 880 нафари элчихонада доимий рўйхатдан ўтган. Бундан ташқари, Украина олий таълим муассасаларида Ўзбекистондан 2800 нафар ўғил-қиз таҳсил олмоқда.

Бўлишинг:

Муҳаррир танлови

Ўзбекистон украинага болалар кийим-кечагини етказиб беришни бошлади

Ўзбекистоннинг Киевдаги элчихонаси томонидан ўтказилган икки давлат ишбилармонлари учрашувидан сўнг Ideal корхонаси Украинада 45 та гипермаркетга эга бўлган «Эпицентр» савдо ...

Буюк британия бош вазири борис жонсон истеъфога чиқди

Буюк Британия бош вазири Борис Жонсон ўз лавозимидан ва ҳукмрон Консерватив партия раҳбариятидан истеъфога чиқди. Буни эълон қилар экан, сиёсатчи дунёдаги энг яхши ишни тарк ...

Шовруқ рўзимуродни ким ўлдирди? эрк ёви(iii)

1989 йил 21 ноябр куни ўзбек тилига давлат тили мақоми берилиши учун мен намойиш уюштирганман. Аммо буни КГБ Муҳаммад Солиҳдан кўрган. Буни бизга (Муҳаммад Солиҳ ва менга) ...