Зилзила пайтида Тошкент аэропортига иккита самолётнинг қўниши кечиктирилди

13 мартдан 14 мартга ўтар кечаси соат 02:33 да Тошкентда тўсатдан, кучли ва тез рўй берган 4 баллик зилзила чоғида Ислом Каримов номидаги Тошкент халқаро аэропортига иккита самолёт қўнишга тайёргарлик кўраётган бўлган.

Уларнинг биринчиси — FZ1941 рейс билан Дубай – Тошкент йўналиши бўйича учаётган “Fly Dubai” авиакомпаниясининг Boeing 737-8KN самолёти бўлса, иккинчиси “Uzbekistan airways” миллий авиакомпаниясининг HY514 рейс билан Сеул – Тошкент йўналиши бўйича учаётган Boeing 787-8 Dreamliner самолёти бўлган. Бу ҳақда кун.уз хабар бермоқа.

“Новости ташкентского неба” авиаспоттерлар каналининг ёзишича, Тошкент халқаро аэропортининг Ҳаво ҳаракатларини бошқариш диспетчерлари томонидан ҳар икки самолёт зилзиладан сўнг кутиш зонасига айланиб туриш учун йўналтирилган. Бу чора Тошкент халқаро аэропортининг учиш-қўниш йўлагига кучли зилзила натижасида самолётларнинг хавфсиз қўниш имконига тўсқинлик қилувчи талафот етмаганига ишонч ҳосил қилиш учун қўлланилган.

Тошкент яқинидаги осмонда бир неча дақиқа чарх уриб тургач, ҳар икки ҳаво кемаси эсон-омон Тошкент аэропортига қўниб олган.

 

Бўлишинг:

Муҳаррир танлови

Миллий хавфсизлик қўмитасининг собиқ раҳбари нартай дутбаев етти ярим йилга қамалди

Қозоғистон Миллий Хавфсизлик Қўмитасининг собиқ раҳбари Нартай Дутбаевга тайинланган жазо муддати ошкор этилди, дея хабар беради Қозоғистон Республикасининг Олий суд ...

Хийлаларга уста орган ходимларининг яна бир найранги

(ёҳуд «Бирдамлик» ХДҲ фаолларидан бири Нафосат Оллошукуровага қурултой олди босимлар)   «Бирдамлик» ХДҲнинг 15-16-ноябрь кунлари бўлиб ўтиши режалаштирилган Қурултойи ...

“дарахтхўр” манқуртлар бизда қандай кўпайиб кетди? – депутат

Дарахтхўр” манқуртлар бизда қандай кўпайиб кетди?  Биз қачон бу даражага келдик?, - деб ёзган Халқ депутатлари Учтепа туман кенгаши депутати, ЎзЛиДеп депутатлик гуруҳи ...