Навоий вилоятида ўз жонига қасд қилиб вафот этган судланувчига ҳукм ўқилди

Аброр (исмлар ўзгартирилган) 2017 йил 5 август куни Бухоро вилояти Ғиждувон туманида яшовчи Комил ва Жасур билан оғзаки келишган ҳолда 147 бош қўй ва 120 бош баррани 800 минг сўм ойлик, ҳар ойига ун, ёғ ва бошқа озиқ-овқат маҳсулотлари ҳамда йилига 12 бош қўй олиш шарти билан боқиб беришни ваъда қилган, деб ёзади телеграмдаги “Дарё Лайф” канали.

Иллюстратив фото

2018 йил 12 октябрь кунига қадар бўлган вақт давомида унинг ихтиёрида бўлган майда шохли моллардан 31 бошини Акмалга 12,4 миллион сўмга, 5 бошини Равшанга 800 минг сўмга, Дилшодга 13,8 миллион сўмга, 22 бош қўйни Тоштемирга 3,5 миллион сўмга, яна 7 бошини номаълум шахсларга сотиб юборган. 2018 йил 15 октябрь кунига қадар жабрланувчи Комилга жами 267 бош миқдорда майда шохли молларини қайтармай, Аброр жами 114,97 миллион сўм миқдорда моддий зарар етказган.

Жиноят ишлари бўйича Навоий вилояти Конимех тумани суди раиси Ф.Қаҳҳоровнинг маълум қилишича, Аброрнинг айби, жабрланувчининг аризалари, баённомалар, тилхат, маълумотномалар ва жиноят иши ҳужжатларида мавжуд бўлган бошқа «инкор этиб бўлмайдиган далиллар» билан тўлиқ исботини топган. Аброр эса жавобгарликдан қутулиш мақсадида ўз жонига қасд қилиб, вафот этган.

Судланувчининг қонуний вакили Зоир Комил ва унинг қариндошлари Аброрни қўрқитган бўлишлари, оқибатда ўзини-ўзи ўлдиришга мажбур бўлганини ёки уни чўлда ўлдириб, кейин осган бўлишлари мумкинлиги ҳақидаги важларни келтирди. Суд эса ҳолатни таҳлил қилиб, Аброр ўз жонига қасд қилганлигини суриштирув ва эксперт хулосасига асосан тасдиқлади. 5 март куни суд Аброрни Жиноят кодекси 167-моддаси 3-қисмининг «а» банди билан айбли деб топиб, жазо тайинламай айблов ҳукми чиқарган.

Бўлишинг:

Муҳаррир танлови

Бош прокуратура машинада аёлни яланғоч қилиб видеога олган фуқарога қарши жиноят иши очмаслигини маълум қилди

Бош прокуратура Lacetti машинасида фуқаро С.С.ни (аёл киши) яланғоч қилиб, видеога олиб, уни интернетда тарқатиб юборган фуқаро Ш.Б.га нисбатан жиноят ишини қўзғамаслигини ...

Ўзбекистонда коммунал хизматларни кўрсатиш тизими хусусий сектор субъектларига топширилади

Норматив-ҳуқуқий ҳужжатлар лойиҳалари муҳокамаси порталида “Ҳукумат тузилмасига кирувчи идоралар ва хўжалик бошқаруви органларини янада ихчамлаштириш ва фаолиятини ...

Мардикорнинг мардикорлар (бозори) ҳақида ўйлари…

Бунинг келиб чиқиш сабаблари жуда кўп. Ҳозир урфда бўлгани – эски ҳукуматни айблаб қўйиш, тамом! Ваҳоланки, ўша таркибнинг камида саксон фоизи ҳозир ҳам фаолият олиб ...