Қозоғистон парламенти депутатлари иккинчи, якуний ўқишда пойтахтни Назарбаев шарафига Нурсултон деб номлаш тўғрисидаги Конституцияга тузатишларни қабул қилди. Бу ҳақда РИА Новости агентлигига таяниб “Халқ сўзи” ёзмоқда.
Хабарда қайд қилинишича, Қозоғистон парламенти қуйи палатаси спикери Нурлан Нигматулин ушбу қарорни тарихий, деб атаган.
Бундан олдин, Қозоғистон президенти Касим-Жомарт Токаев Остона шаҳри номини Нурсултон деб ўзгартиришни таклиф қилганди.
Бундан ташқари, Токаев Назарбаевни давлатда мавжуд бўлган барча юксак унвонлар билан тақдирлашни таклиф қилди.