Огоҳ бўлсак, одамлар, ёхуд гувоҳнинг хикояси

Ҳаётда кўплаб муаммоларимиз бефарқлигимиздан бошланади.

Қорақалпоғистон пойтахти Нукус шаҳри буюм бозори олдида йўналиш машиналари тураргоҳида  икки йигит каттиқ тортишарди. Жаҳл жуда юқори бўлганлигидан, уларнинг бир-бирига куч ишлатиш эҳтимоли рўй-рост кўринади.

Шу пайт ташқи қиёфасидан нафақа ёшида бўлган бир киши уларнинг ўртасидан ўтиб кетиш учун юрди. Кўриниб турардики, бу киши шу зайл жанжалнинг маъқул иш эмаслигини ёшларга билдирмоқчи эди.

Жанжалкашлар, бу кишиниинг ёшини ҳурмат қилдиларми, ё бошқа сабаб, ораларини очиб, йўл беришди.  Бироқ яна  бурунларини бир-бирига тираб, тортиша бошладилар. Шунда у киши ёнидан камерасини олиб, жанжалчиларни тасвирга ола бошлади. Фақат шундан кейингина чеккада турган ўнлаб томошобинлар орасидан икки йигит чиқиб, жанжалчиларга, қўйинглар, деб мусулмончилик қилишди.

Маълум бўлишича, жанжал  маршрут машиналари навбати сабаб келиб чиққан бўлиб, икки йигит уларнинг ҳайдовчилари экан.

Ўйланиб қоласан одам. Ахир биз бундай воқеаларни кўравериб, кўзларимиз ўрганиб қолмадими?

Нега шу ва шунга ўхшаш ҳодисалар маҳаллий оммавий ахборот воситаларида ёритилмайди?

Камина у йигитларнинг қай бири хак, кай бири ноҳақ, билмайман. Аммо, бир нарса аёнки, жанжал Аллоҳ хуш кўрмайдиган нарсалар тоифасига киради.

Қолаверса, қадим греклардан қолган гап бор: “Юпитер, сен қизишаяпсан, демак сен ҳақ эмассан”.

Аҳир маҳаллий телевидение, газеталар ҳодимлари бу йигитларни топиб, муаммони самимий ўрганишлари ва воқеадан фуқароларимиз учун аҳлоқий-маънавий сабоқ сифатида хулосалар чиқаришига ёрдам берса бўлмайдими?

Шу ўринда, ички ишлар ходимлари билан,  деб ёзиш сатрларга сўралиб турибди. Лекин биз кўплаб муаммоларимизни милициясиз, яъни қўрқитувсиз ва жазолашсиз  хал қилишга ўрганишимиз  вақти келмадими?

Сўнгги сўз ўрнида: икки йигит жанжал хангомаси Жиноят кодексининг тегишли моддаларига тушиб турганлигига шубҳа йўқ. Аммо, юқорида айтганимиздек, гап жазода эмас. Шу боис, агар  маҳаллий оммавий ахборот воситалари йигитлар билан учрашув кўрсатуви ташкил қилиб қолса, ҳуқуқ идораларидан ушбу холатга “кодекс” сиз ёндашувини сўраган бўлардим.

Бўлишинг:

Муҳаррир танлови

Йил бошидан буён ўзбекистонда 8 минг оила ажрашди

2019 йилнинг январь-март ойларида ФҲДЁ органлари томонидан 8,0 мингта никоҳдан ажралишлар қайд этилган бўлиб, мос равишда 1000 аҳолига нисбатан никоҳдан ажралиш коэффициенти ...

Хитойда зўравонликка учраган яна бир «келин» ўзбекистонга қайтарилди

Журналистлардан ёрдам сўраган андижонлик 25 ёшли Шодиёна Давлатова Ўзбекистонга қайтарилди. Бу ҳақда «Хабар.уз» нашри «CA-News»га таяниб хабар бермоқда. Хитой фуқаросига ...

Инсон ҳуқуқлари бўйича миллий марказ шуҳрат ғаниевга берилган синов муддати бошқа мансабдор шахслар учун ҳам ибрат бўлишини маълум қилди

Инсон ҳуқуқлари бўйича миллий марказ Фарғона вилояти ҳокимининг тармоқларда тарқалган нутқига муносабат билдирди. Фарғона вилояти ҳокимининг ижтимоий тармоқларда тарқалган ...