Ўзбекистон қурол-яроғ ва ўқ-дорилар импортига харажатларни оширди

Ўзбекистон қурол-яроғ ва ўқ-дорилар импортини оширди, бундан Марказий банк ҳисоботи дарак беряпти, деб ёзади “Кун.уз” нашри.

2018 йилда мамлакатда 0,7 миллион долларлик қурол-яроғ ва ўқ-дорилар, уларнинг қисмларини сотиб олди. Шу билан бирга, ўтган икки йилда бу мақсадга 0,3 миллион доллардан сарфланганди. Бу Марказий банк томонидан кўриб чиқилаётган, экспорт қилинмайдиган кам сонли товарлардан биридир.

Шунингдек, 2018 йилда Ўзбекистон санъат асарлари ва антикварлар буюмларини 0,1 млн долларга импорт қилди, 2016 ҳамда 2017 йилларда эса бу кўрсаткич 0,0 млн долларни ташкил этган.

Қимматбаҳо бўлмаган металлар ва улардан маҳсулотлар импортига кўпроқ маблағ сарфланди. Агар 2016 йилда бунга 1,2 миллиард доллар кетган бўлса, 2017 йилда – 1,7 миллиард доллар, 2018 йилда эса – 2,4 миллиард доллар.

Қимматбаҳо металлар ва тошлар импорти кескин ошди – 2016 йилда бунга фақат 0,4 миллион доллар сарфланган бўлса, 2018 йилда – 40,7 миллион доллар.

Бундан олдин, 2018 йилда инвесторлар Ўзбекистондан 1,194 млрд доллар олиб чиқиб кетгани хабар қилинганди.

 

Бўлишинг:

Муҳаррир танлови

Туркман аёли туркияда 2,4 миллион долларга тенг киберўғирликда айбланмоқда

Турк ОАВнинг маълумотларига қараганда туркманистонлик муҳожир аёл иштирокида йирик ўғирлик содир этилди. Эълон қилинган катта миқдордаги ўғирлик ҳодисасида туркманистонлик ёш ...

Россия — жаҳон иқтисодиёти рейтингида 11-ўринда

Россия 2017 йил якунларига кўра ялпи ички маҳсулот бўйича жаҳон иқтисодиёти рейтингида 11-ўринни банд этди. Бу ҳақда Жаҳон банки маълумотларига таяниб «Aif.ru» хабар ...

Қирғизистонликлар уйни неча пулга ҳарид қилади?

Ўтган йилнинг мартида Бишкекда ер уйнинг ўртача нархи 63 минг доллардан ошган. Бир йилда нарх-наво 56 минг долларга тушди. Кўп қаватли уйларнинг бир квадрат метри 13%гача ...