Тошкент шаҳар ҳокими маслаҳатчиси ва “Иппадром” савдо комплекси АЖ раҳбари кўплаб жиноятда айбланмоқда

Чилонзор буюм савдо комплекси АЖ бошқарув раиси лавозимида ишлаб келган Дилмурод Миртаджиев ўрнига Ўктамжон Отабоев иш бошлаган, деб ёзади “UzNews.uz” сайти.

“Бозор иши” бўйича ҳозирча 23 нафар турли лавозимдаги шахслар жиноят ишида Жиноят кодексининг ўнлаб моддаларида айбланмоқда.

Судланувчилар орасида Тошкент шаҳар ҳокимининг собиқ маслаҳатчиси Ровшан Абдумажитов ҳам бор. У товламачилик, ўзлаштириш, мансаб ваколатини суисттеъмол қилиш, фирибгарликда айбланмоқда.

“UzNews.uz” нинг ҳуқуқни муҳофаза қилувчи органларга яқин манбасига кўра, бу жиноят ишида Ровшан Абдумажитовнинг ўғли Бекзод ҳам айбдор сифатида кўрилмоқда.

Судья Сарвар Каримов раислигида Тошкент шаҳар Жиноят ишлари бўйича судида кўрилаётган суд ишида Тошкент саёҳат сервис собиқ директори М. Мўминовга нисбатан ҳам суд-тергови ўтказилмоқда.

Бу суд иши давомида Джмалов Садриддин Азаматовичга эса Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш яъни, Жиноят кодексининг 248-моддаси тартибида айбдорлик масаласи ҳам кўрилмоқда.

Бу жиноят иши доирасида “Бек тўпи” бозорининг собиқ раҳбари Шукрулло Эргашев ҳам қамоққа олинган ва у Жиноят кодексининг 167-моддаси ва 205-моддаси билан айбланмоқда.

Бу бўйича Бош Прокуратурадан Сурайё Раҳмонованинг маълум қилишича, ишнинг бир қисми ҳали 21-бошқармада тергов қилинмоқда.

 

Бўлишинг:

Муҳаррир танлови

Бухорода фоҳишахона аниқланди

Фото:Қувват Ярашов 60 ёшдан ўтган кишининг ўзининг яшаш уйида фохишахона ташкил қилганлиги аниқланди. Бухоро  вилоят ИИБ ходимлари томонидан ўтказилган тезкор профилактик ...

Дрон аппаратларини ўзбекистонга олиб кирган ёки улардан фойдаланган киши уч йилгача қамалади

Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар ...

Тошкентда қамоқдан хавфли жиноятчи-маҳкум қочиб кетди

Тошкентдаги 51- манзил колонияда жазо муддатини ўтаëтган 43 ёшли маҳкум О. А.нинг қочиб кетгани айтилмоқда. Маҳкумнинг қочиб кетгани ортидан ҳуқуқ тартибот идоралари ...