Ўзбекистон электр энергияси етишмовчилиги туфайли ҳар йили 6 млрд доллар йўқотмоқда

Электр энергияси етказиб беришдаги муаммолар туфайли Ўзбекистон иқтисодиёти ҳар йили 6 млрд доллар йўқотмоқда. Бу ҳақда энергетика вазири ўринбосари Шерзод Хўжаев Осиё тараққиёт банки ҳисоб-китобларига таянган ҳолда хабар берди, деб ёзади “Кун.уз” нашри.

Шерзод Хўжаевнинг эслатишича, Ўзбекистон март ойида мамлакатда электр энергетика соҳасини янада ривожлантириш ва ислоҳ қилиш бўйича стратегияни қабул қилди.

Унинг сўзларига кўра, стратегияни амалга ошириш иқтисодиёт тармоқларига талаб этилувчи электр энергиясини ишлаб чиқариш ва етказиб бериш имконини яратади.

Хўжаевнинг қўшимча қилишича, ушбу ҳужжат қизғин юкламаларни қоплашга ҳам қаратилган, яъни мустаҳкамликнинг маълум бир захирасини назарда тутади. «Ҳозир, афсуски, бизда бундай захира йўқ», – деди у.

10 йил ўтгач, мамлакатда юкламаларни қоплаш учун қўшимча ишлаб чиқариш қувватининг камида 20 фоизи бўлиши керак.

Энергетика вазири ўринбосарининг таъкидлашича, мамлакатда электр таъминотидаги узилишлар кескин камаяди. Унинг қўшимча қилишича, вазирлик уларни нолга туширишга ҳаракат қилади.

 

Бўлишинг:

Муҳаррир танлови

Жарималардан тушаётган миллиардлар қачон йўлларни таъмирлашга сарфланади?

Ўзбекистон Республикаси ИИВ ЙҲХББ матбуот хизмати раҳбари Акмал Юсупов бугун матбуот марказида ўтган табирда мазкур масалага ойдинлик киритди, деб ёзади ЎзА сайти. Тошкент ...

Жиззахлик фермер миб томонидан бир гилами олиб қўйилгани учун ўзини ўлдириб олган

Жиззахда фермер ўз жонига қасд қилди. Ижтимоий тармоқларда бунга МИБ томонидан мол-мулки мусодара қилингани сабаб қилиб кўрсатилганди. Прокуратура эса унинг бор-йўғи битта ...

Туркияда лира қадрсизланиши ортидан ўзбекистонликлар топаётган пул қарийб икки баробарга камайиб кетди

Фото: dailysabah.com Туркия миллий пули – лира жорий йил бошидан буён 40 фоиздан кўпроққа қадрсизланиб, душанба куни 1 АҚШ доллари 7 лирадан ортиқроққа тенглашиб қолди. Лира, ...