Ўзбекистонда автомобиллар мажбурий техник кўрикдан ўтказилади

Ҳукумат қарори билан Мажбурий техник кўрикка тақдим этилмаган автотранспорт воситаларининг ҳисобини юритиш, уларнинг ҳолатини аниқлаш, шунингдек фойдаланишга яроқсиз, утилизацияга топшириладиган ёки реализация қилиш мақсадида қисмларга бўлинадиган транспорт воситаларини ҳисобдан чиқариш тартиби тўғрисидаги низом тасдиқланди.

 

Қарорга кўра, 2019 йил 1 июнгача:

– мажбурий техник кўрикдан ўтказиладиган транспорт воситаларининг ягона электрон базаси шакллантирилади;

– техник кўрикдан ўтказилмаган транспорт воситаларини бошқарганлик ҳолатларини “Маъмурий амалиёт” тизимида автоматлаштирилган тарзда қайд этиш механизми яратилади.

Низомга мувофиқ, Йўл ҳаракати хавфсизлиги бўлимлари ҳар йили 10 ноябргача техник кўрикка тақдим этилмаган транспортларни рўйхатини тузади.

Техник кўрикка тақдим этилмаган транспорт эгаларига 20 ноябргача билдиришномалар юборилади.

Шунингдек, 1 декабргача охирги 3 йилда кўрикдан ўтказилмаган транспорт воситаларининг рўйхати тасдиқланади ҳамда мазкур рўйхат асосида 31 декабргача транспорт воситалари инвентаризациядан ўтказилади.

Инвентаризация бўйича транспорт эгасига қуйидаги хабарномалардан бири юборилади:

– мажбурий техник кўрикдан ўтказиш тўғрисида;

– давлат рақами ва рўйхатдан ўтганлик гувоҳномаси йўқолганда, янги рақам олиш ва рўйхатдан ўтиш тўғрисида;

– транспорт яроқсиз деб топилганида бир ойда уни таъмирлаб яроқли ҳолатга келтириб техник кўрикдан ўтказиш тўғрисида. Агар мазкур талаб бажарилмаса транспорт ҳисобдан чиқарилади ва 3 кунда унинг эгасига бу ҳақда хабар берилади.

 

Бўлишинг:

Муҳаррир танлови

Алишер усмонов forbes’нинг рус бизнесменлари рейтингида биринчи ўринни сақлаб қолди

    Россиянинг энг бадавлат кишиси  - ўзбек миллатига мансуб Алишер Усмонов Американинг иккита компанияси – Apple ва Facebook’нинг ўзига тегишли акцияларини сотиб ...

Бразилияда пенсия ислоҳотларига қарши 45 миллион киши намойишга чиқди

14 июнь куни Бразилиянинг йирик шаҳарларини намойишлар қамраб олди. Бу ҳодисалар айни футбол бўйича Америка кубоги бошланадиган кунларга тўғри келмоқда. Намойишчилар ...

Шаҳрисабз туман хтб бош ҳисобчиси қўшиб ёзиш ва бошқа камчиликларни яшириш учун 2500 доллар пора бераётганда ушланди

Шаҳрисабз туман халқ таълими бўлими бош ҳисобчиси Х.Жўраев қўшиб ёзиш ва камчиликларни яширишга уриниб, прокурор ёрдамчисига пора бераётганда ушланди. Бу ҳақда «Газета.uz" ...